திருநீலகண்ட யாழ்ப்பாண நாயனார்

சடைய நாயனார்

இசைஞானியார்

1175.குறிப்புரை: 'நினைய' என்பதன் இறுதி நிலை தொகுக்கப்பட்டது. சினை - கிளை. 'சினை ஒப்ப' என்பதில் "ஒப்ப" என்பதும் அவ்வாறு நின்றது. ஒப்ப அலர்தல் - யாவும் ஒன்றுபோல மலர்களைப் பூத்தல். சண்பை - சீகாழி. சண்பையர் கோன், திருஞான சம்பந்தர். 'அவரது செந்தமிழோடு' என்க.

1176. குறிப்புரை: முதற்கண் உள்ள "விளங்கும்" என்னும் பெயரெச்சம், "திருநாவலூர்" என்னும் ஏதுப்பெயர் கொண்டது. உரைப்பர் - புகழ்வர். ஆரூரன், நம்பியாரூரன். சுந்தர மூர்த்தி நாயனார். 'பயந்தமை சொல்லி' என ஒருசொல் வருவித்து, "உரைப்பர்" என்பதனோடு முடிக்க. குவலயம் - நில வட்டம். அதன் நலமாவது, முற்செய் தவத்தோரும் அதன் பயனைப் பெற நிற்பது. "நாம்" என்றது தம்மையும் உளப் படுத்துச் சிவனடியார்களை. பலம் - பயன். நற்றவத்தின் பயன் அடியார் பெருமையை அறிதல். அதனை அறிதலானே மக்கள் மக்களாய் விளங்குவர் ஆதலின் அது பற்றியே "நாம் விளங்கும்படி" என்றார். 'இவையெல்லாம் நம்பியாரூரர் திருநாவலூரில் சடையனார்பால் அவதரித்துத் திருத்தொண்டத் தொகையை அருளிச்செய்தமையாலே' என்றபடி.

1177.குறிப்புரை: 'வெள்ளைக் கயந்தான் உகைத்த நற்காளையைப் பயந்தாள்' என்றும், 'அரன் புனிதனவன் திருத்தாள்