அறுசீர்க்கழிநெடிலடி ஆசிரிய விருத்தம் | 1334. | பிரானை மெய்த்திரு ஞானசம் பந்தனை மறையவர்பெருமானைக்
குராம லர்ப்பொழிற் கொச்சையர் நாதனைக் குரைகழ லிணைவாழ்த்தித்
தராத லத்தினி லவனருள் நினைவொடு தளர்வுறு தமியேனுக்(கு)
இராவி னைக்கொடு வந்ததிவ் அந்திமற்(று) இனிவிடி(வு) அறியேனே. |
பதினான்கு சீர்க்கழிநெடிற் சந்த விருத்தம் | 1335. | ஏனமு கத்தவ புத்தரை யிந்திர சித்து மணம்புணர் வுற்றான் | | ஈழவ னார்சொரி தொட்டி யினங்களை வெட்டி யிசித்தனர் பட்டர் | | தான மிரக்கிற சீதை மடுப்பது சாதி குடத்தொடு கண்டீர்; | | சக்கர வர்த்திகள் சிக்கர மட்டுவர் தத்துவம் இப்பரிசுண்டே | | ஆன புகழ்ப்பயில் விப்ர சிகாமணி அத்தகு மைப்புரையுங்கார் | | ஆர்பொழில் நீடிய சண்பையர் காவலன் வண்களியேனெளி யேனோ | | சோனக னுக்குமெ னக்குமெனத்தரை யம்மனை சூலது கொண்டாள்; | | தும்புரு வாலியை வென்று நிலத்திடை நின்று துலுக்குகிறாரே. |
1334.குறிப்புரை: இப்பாட்டு, கவுணியர் தலைவர்பால் காதல் கொண்டாள் ஒருத்தி கூற்றாக - பாடாண் கைக்கிளை யாகச் செய்யப்பட்டது. அக்கைக்கிளையுள் இது கண்படை பெறாது கங்குலை நோதல் ‘கழலிணையை’ என இரண்டன் உருபு விரித்து, மேல் (பாட்டு-3) “சண்பையர் கோனச் சேவடி போற்றுவன்” என்றது போலக் கொள்க. அந்தி - எற்பாட்டுப் பொழுது. ‘சிவஞானமே உண்மை மெய்ஞ்ஞானம்’ என்றற்கு. “மெய்த் திரு ஞானம்” - என்றார். 1335.குறிப்புரை: கலம்பக உறுப்புக்களுள் ஒன்றாகிய ‘களி’ - என்பது பற்றி வந்தது இப்பாட்டு. களி - களிப்பு; உணர்வழிந்த மயக்கம். கள்ளை உண்டு இவ்வாறான மயக்கத்தை எய்தினோன் கூற்றாக வருவதே ‘களி’ என்னும் உறுப்பு. அது பொருளுடைக்
|