எண்சீர்க்கழிநெடிற் சந்த விருத்தம்

மறம் - எண்சீர்க்கழிநெடிற் சந்த விருத்தம்

வாசம் - நறுமணம். திரை - கடல் அலை. சேவல் சேரும் அன்றில் - அது, சேவலை அழைக்கும் குரலைக் குறித்தது. ஆகுபெயர். வேய் - வேய்ங்குழல். மாலையில் இஃது ஆயரால் ஊதப்படுவது. கூடி - இவை அனைத்தும் ஒன்று சேர்ந்து. “திரை, வாடை” - என்பவற்றிலும் எண்ணும்மை விரிக்க. தென்றலையும் வாடையையும் ஒருங்கு கூறியது, ‘தென்றற் காலத்தில் தென்றலும் பகையாகின்றது; வாடைக் காலத்தில் வாடையும் பகையாகின்றது’ என்றபடி.

1344.குறிப்புரை: இப்பாட்டு, பாடாண் கைக்கிளையுள் தலைவிக்குரிய தூதாகிச் சென்ற தோழி கூறும் ‘தூதிடையாடல்’ - என்னும் துறையாகச் செய்யப்பட்டது. “நின்புகழ் பாடி” என்பது முதலாகத் தொடங்கி யுரைக்க. “நின்புகழ் பாடி... மெய்ச் சிந்தையர்” - எனப்பட்டார் ஞானசம்பந்தர்க்கு அன்பராய நல்லோர். ‘இன்பாம் கோ’ என இயைத்து, ‘அவர் இன்புறுதற்குத் துணையாம் தலைவனே’ என உரைக்க.

1345.குறிப்புரை: ‘மறம்’ என்பதும் கலம்பக உறுப்புக்களுள் ஒன்று. இது தம்மை மதியாது தம் மகளை எளிதில் தனக்குக் கொடுக்கும்படி ஓலை கொடுத்து விடுத்த தூதனைக் கண்டு மறவர்