மதியுடம் படுத்தல்

    கலம்பணி கொண்டிடம் அம்பலங்
        கொண்டவன் கார்க்கயிலைச்
    சிலம்பணி கொண்டநும் சீறூர்க்
        குரைமின்கள் சென்னெறியே.

54

4.6 பதிவினாதல்

    பதி வினாதல் என்பது மாறுபடநின்று வழி வினாவவும் அதற்கு மறுமொழி கொடாதாரை எதிர்முகமாகநின்று, வழிகூறீராயின் நும்பதி கூறுதல் பழியன்றே; அது கூறுவீராமினென்று அவர்பதி வினாவாநிற்றல். அதற்குச் செய்யுள்-

55. ஒருங்கட மூவெயி லொற்றைக்
        கணைகொள்சிற் றம்பலவன்
   கருங்கடம் மூன்றுகு நால்வாய்க்
        கரியுரித் தோன்கயிலை

______________________________________________________________

அணிகலம் பாம்பாகக் கொண்டு அம்பலத்தை இடமாகக் கொண்டவன்; கார்க்கயிலைச் சிலம்பு அணி கொண்ட நும் சீறூர்க்குச் செல் நெறி உரைமின்கள் - அவனது முகில்களையுடைய கயிலைக்கட் சிலம்பழகு பெற்ற நுமது சிறியவூர்க்குச் செல்லு நெறியை உரைமின் எ-று.

    கொண்டுகொடுத்தோனென இயைப்பாருமுளர். தனக்குத் தக்க தையலை இடத்து வைத்தானென்றுந் தன்னடியார்க்குத் தகாத என்னை அவர்க்குக் கொடுத்தானென்றும், அணிதற்குத் தகாத பாம்பை அணிந்தானென்றும், தனக்குத் தகுமம்பலத்தை இடமாகக் கொண்டானென்றும் மாறுபாட்டொழுக்கங் கூறியவாறாம். கருத்து வேறறிய-வினாயதற்கு மறுமொழி பெறாது பின்னுமொன்றை வினவுதலான் இவன்கருத்து வேறென்று தோழியறிய. சின்னெறி யென்று பாடமாயின், சிறியநெறி யென்றுரைக்க. சின்னெறியென்பது அந்நிலத்துப் பண்பு.

54

4.6.  பதியொடு பிறவினாய் மொழிபல மொழிந்து
     மதியுடம் படுக்க மன்னன் வலிந்தது.

    இதன் பொருள்: மூவெயில் ஒருங்கு அட ஒற்றைக் கணைகொள் சிற்றம்பலவன் - மூவெயிலையும் ஒருங்கே அடவேண்டித்