உடன் போக்கு

    மன்னுங் கடிமலர்க் கூந்தலைத்
        தான்பெறு மாறுமுண்டேல்
    உன்னுங்கள் தீதின்றி யோதுங்கள்
        நான்மறை யுத்தமரே.

236

16.44 சுவடுகண்டறிதல்

    சுவடுகண்டறிதல் என்பது சோதிடம் பெற்றுச் செல்லா நின்றவள், இம்முரம்பின்கட் கிடந்த இவை தீவினையே னெடுத்து வளர்த்த மாணிழை சீறடி;  உவை அக்கள்வ னடியாமெனச் சுவடு கண்டறியாநிற்றல். அதற்குச் செய்யுள்-

237. தெள்வன் புனற்சென்னி யோன்அம்
        பலஞ்சிந்தி யாரினஞ்சேர்
    முள்வன் பரல்முரம் பத்தின்முன்
        செய்வினை யேனெடுத்த

______________________________________________________________

தான் பெறுமாறும் உண்டேல் - நிலைபெற்ற கடிமலரையுடைய கூந்தலை யுடையாளை இன்னுந் தான் பெறுமாறு முண்டாயின்;  நால்மறை உத்தமரே-நான்மறையையுடைய தலைவீர்; உன்னுங்கள் - நும் முள்ளத்- தானாராய்மின்கள்; தீது இன்றி ஓதுங்கள்-ஆராய்ந்து குற்றந்தீரச் சொல்லுமின்கள் எ-று.

    அருளாற் பெறுமாறுமுண்டேலென வியையும். தேவர் சென்றிரப்ப நஞ்சை நினைத்தலுங் கைம்மலர்க்கண் வந்திருந்த தாகலின், கருதப் படும் வெவ்விட மெனினுமமையும். யாங்கடியயரத் தான் கடிமலர்க் கூந்தலைப் பெறுமாறு முண்டேலென்றுரைப்பினுமமையும். இப் பொருட்குத் தானென்றது தலைமகனை தீதின்றியுன்னுங்களெனினுமமையும். உய்த்துணர்வோரை-வெளிப்படாத பொருளையேதுக்களாலுணர்வோரை. இவையிரண்டற்கும் மெய்ப்பாடு: மருட்கை. பயன்: எதி்ர்காலச் செய்கை யுணர்தல்.

236

16.44.  சுவடுபடு கடத்துச்
      செவிலிகண் டறிந்தது.

    இதன் பொருள்: தெள் வன் புனல் சென்னியோன் அம்பலம் சிந்தியார் இனம் சேர் - தெள்ளிய பெரியபுனலையுடையத்தாகிய