பரத்தையிற் பிரிவு

25.13 காலநிகழ்வுரைத்தல்

    காலநிகழ்வுரைத்தல் என்பது பரத்தையிற் பிரிந்துவந்த தலைமகனது ஆற்றாமையைத் தலைமகள் நீக்காதிருப்ப, வண்டூது மல்லிகைப்போதானும் அந்திப் பிறையானுங் கங்குற் பொழுதானும் ஆற்றானாய்ப் புகுதராநின்றான்; இனி நீ புலக்கற் பாலையல்லையென உழையர் கூறாநிற்றல். அதற்குச் செய்யுள்-

364. வில்லிகைப் போதின் விரும்பா
        அரும்பா வியர்களன்பிற்
    செல்லிகைப் போதின் எரியுடை
        யோன்தில்லை அம்பலஞ்சூழ்
    மல்லிகைப் போதின்வெண் சங்கம்வண்
        டூதவிண் தோய்பிறையோ
    டெல்லிகைப் போதியல் வேல்வய
        லூரற் கெதிர்கொண்டதே.

364

_____________________________________________________________

னருளாலெனக் காரணத்தை மிகுத்துக் கூறினார். மெய்ப்பாடும், பயனும் அவை.

363

25.13.  இகழ்வ தெவன்கொல் நிகழ்வதிவ் வாறெனச்
      செழுமலர் கோதை உழையர் உரைத்தது.

    இதன் பொருள்: வில்லி கைப் போதின் விரும்பா அரும்பாவிய வர்கள் அன்பிற் செல்லி - காமன் கையி லம்பாகிய பூக்களில் ஆதரமில்லாத அரிய குறிப்பை யுடையவர்கள் தனக்குச் செய்த அன்பின்கண் வேட்டுச்செல்வோன்;  கைப் போதின் எரி உடையோன் - கையாகிய பூவின்கணுளதாகிய எரியையுடையான்; தில்லையம்பலம் சூழ் மல்லிகைப் போதின் வெண் சங்கம் வண்டு ஊத - அவனது தில்லையம்பலத்தைச் சூழ்ந்த மல்லிகையின் போதாகிய வெண்சங்கை வண்டுகளூத; விண் தோய் பிறையோடுஎல்லி -விண்ணையடைந்த பிறையோடு இராப்பொழுது; கைப் போது இயல் வேல் வயல் ஊரற்கு எதிர் கொண்டது - கையாகிய பூவின்கணியலும் வேலையுடைய வயலூரற்கு மாறு கொண்டது எ-று.

    என்றது வண்டூதுமல்லிகைப்போதானும் அந்திப்பிறை யானுங் கங்குற் பொழுதானும் ஆற்றானாய்ப் புகுதராநின்றான்; இனி நீ புலக்கற்பாலையல்லையென வாயினேர்வித்தவாறு. வில்லிகைப்