ஆயின் இவை பிறழ்வு எய்தாது - பரப்பிரமம் முதன்மையை யுடையதாயின்
அந்தப் பரப்பிரமம் நிற்க இந்த அந்தக்கரணங்கள் நீங்கமாட்டாது; இவை
யெனில் உனதுமொழி பழுதுளதே - இந்த அந்தக்கரணங்கள் முதன்மையை
யுடையதெனில் எல்லா முதன்மையு முடையது பரப்பிரமமென்று வேதஞ்
சொன்னது பழுதாகவேண்டும்; உடற்படு பிரமம் உறுமேல் - அப்படியன்று
காணும் அவத்தை யுறுகிறது உடற்குள்ளே அகப்பட்டு நிற்கிற பிரமமேயாகில்;
சாளரத்து இடத்தகும் உறுவிரல்நுதி அளி எறி துயர் அங்குலி தானே
யருந்திடில் உடற்கண் தங்கிய அறிவு தனித்துறு மன்றே - பலகணி
வாசலிடத்திலே புறம்பே நின்று உள்ளே ஒரு விரலை நீட்ட அந்த விரலின்
நுனியிலே ஒரு குளவியானது கொட்ட அதனாலுண்டாகிய விதனம் அந்த
விரல் தானே அனுபவித்ததாமாயின் இந்த உடலினிடத்திலே பொருந்தி
நிற்கிற பிரமமும் அவத்தையைத் தனியே அனுபவித்த தென்று சொல்லலாம்;
அந்த விரலின் நுனியிலே குளவி கொட்டின கடுப்புப் பாதாதிகேச மளவாக
நின்று கடுக்கிறபடியாலே உடலினிடத்திலே தங்கி நிற்கிற அறிவுதனிலே
அவத்தையை யுறுமென்று. நீ சொன்னது அர்த்தமாகாது. இதன்றியும்; தற்பண
நிழற்கட்குற்றி பாய்ந்தற்றால் நற்கணில் துயரம் நணுகாத் தகைத்தெனில்
கண்ணாடியிடத்திலே தோன்றின நிழலினது கண்ணிலே கூச்சுக்கொண்டு
சாடினவிடத்துக் கண்ணாடி யுடைந்த தொழிந்து கண்ணுக்கு லயம் வாராத்
தன்மைபோலச் சுகதுக்கங்களா லுண்டாகிய அனுபோகங்களும் உடலுக்
கொழிந்து பிரமத்துக் கில்லையென்னில்; நின்மொழி விரோதமுங் காட்சி
விரோதத் தன்மையும் உறும் அவை தவறில ஆகா - உன்னுடைய சாத்திரஞ்
சுகதுக்கங்களை