பிரமக்கியான முண்டாயிற்று எங்களுக்கு ஆசாரம் வேண்டுவதில்லை யென்று
அனாசாரங்களைச் செய்துகொண்டு திரிகிற இது; பொறியோ போத நெறியோ
- இவர்களுடைய தலையிலெழுத்தோ அல்லது அறிவுக்கீனந் தானோ; இது
பவம் நீங்கிடும் நெறிதரு பாங்கினைப் பழித்தல் இவனைவிட்டு ஒரு
காலத்திலும் நீங்காமல் தொந்தித்துக்கொண்டு வருகிற பிறவித் துன்பங்கள்
நீங்குகைக்கு ஏதுவாயுள்ள இந்தக் கன்மத்தின் பகுதிகளை எனக்கு ஆகாது
இதுவென்று இதனைக்கைவிட்டு விடுகிற இது; நன்றி கொன்ற லன்றே -
ழுஎந்நன்றி கொன்றார்க்கு முய்வுண்டா முய்வில்லைச், செய்ந்நன்றி
கொன்றமகற்கு' என்று திருவள்ளுவதேவர் சொன்ன செய்ந்நன்றி கொன்ற
இதுவா யிருக்கும். விரதத்துதித்த விவேகமதழித்தல் நன்றிகொன்ற லன்றே
யென்று பொருள் கூட்டுக; அன்றியும் ஞானநீதியும் நான் மறை நீதியும் -
இதன்றியும், லோகாசாரங்களும் நாலு வேதத்திற் சொல்லப்பட்ட
ஆசாரங்களும் இவை; பாலர் உன்மத்தர் பசாசரி லெனவும் உறங்கினோன்
கைவெறும் பாக்கெனவும் தானே தவிராது - யாதொன்றையும் விகற்பியாமல்
நிருவிகற்பமாகக் காண்கிற பாலரைப்போலவும், வைதாரையும்
வாழ்த்தினாரையுஞ் சுட்டியறியாத மதுபானஞ் செய்தவர்களைப்போலவும்,
ஆகாரம் நித்திரைபயம் மைதுனமென்கிற நாலுகாரியமுமில்லாத பசாசரைப்
போலவும், நித்திரை செய்கிறவன் கையிலேபிடித்திருந்த பாக்குப்போலவும்
உனக்குப்பிரமக்கியான மில்லாதபடியினாலே அந்த ஆசாரங்களும் தானாகப்
போக அறியாது; ஆனால் புரியாது ஒழிந்திடின் நிரயத்து அழுந்துதல் திடமே
- அவைதானே போகாதென்றால் இவன்தானே எனக்கு அந்த ஆசாரங்கள்
வேண்டுவதில்லை யென்று விட்டால் தேகாந்தத்திலே மீளா நரகிலே