அந்த மாயா தேகம் ஒருகாலும் நீங்காமற் பொருந்தி வாராநிற்கும்; ஈட்டும்
இருபயன் ஊட்டிடும் நியதி - முன்னே செய்த புண்ணிய பாவங்களை இந்தச்
சரீரத்திலே கர்த்தாவானவன் இவனுக்கு நாடோறும் பொசிப்பியாநிற்பன்; ஒரு
போது இருபயன் நுகர்வுற மருவுதலின்மையாதல் முன்னிய காலை - புண்ணிய
பாவ மிரண்டுந் துலையொத்து ஒரு சனனத்திலே எல்லாக் கன்மங்களும்
பொசித்துத் தொலையத் தக்கதாக ஏதேனுமொரு சிவபுண்ணியம் வந்து
எதிர்ப்பட்ட அவதரத்து; சத்தினிபாதம் உற்று - இவனுக்குச் சத்தினிபாத
மென்பதொன்று உண்டாய், அந்த அவதரத்திலே; இறையருளால் உருவு
கொடு உலகு தெரிவுறமருவி கர்த்தாவானவன் தனது காருண்ணியமே
தனக்குத் திருமேனியாகக் கொண்டுடருளி உலகத்திலுண்டான வர்களெல்
லாருங் காணத்தக்கதாக ஆசாரியனாக எழுந்தருளி வந்து; மாசுறு தூசு
தேசுற விளக்குந் தன்மையின் உணர்த்தும் - அழுக்கினாலே மிகுந்திருக்கிற
புடைவையை நன்றாக வெள்ளாவி வைத்து அந்த அழுக்கை நீக்கித் துய்தாக
வெள்ளையாக்கின தன்மைபோல இவனிடத்துண்டாகிய பாசங்களைத்
தீக்ஷைபண்ணிக் கிரமத்திலே போகத்தக்கதாக உபதேசங்களை யருளவே;
புன்மைகள் நீங்கி நீரும் நீரும் சேருந் தகைமையின் அறிவினோடு அறிவு
செறிவுறப் பொருந்தி ஒன்றாம் - இவனிடத்து உண்டாகிய குற்றங்களெல்லாம்
நீங்கிச் சுத்தனாகித் தண்ணீரும் தண்ணீரும் தன்னிலேகூடி ஐக்கியமாய்
ஒன்றுபட்டு நின்ற தன்மைபோலச் சிவனுடைய அறிவோடே

     1. யாதென - பாடபேதம்.