ஒன்றும் அறிய வேண்டுவதில்லை; மன்னும் ஆன்ம சன்னதியளவில் காந்த
பசாசத்து ஏய்ப்ப வாய்ந்த உயிர் உடல் இயக்கும்-நிலைபெற்று வாராநிற்கிற
ஆன்மாவினுடைய சன்னதி மாத்திரத்திலே காந்தமானது அசைவற நிற்க
அதன் சன்னதியிலே இரும்பு காரியப்பட்டாற்போல ஆன்மா விகாரமற
நிற்கப் பொருந்தப்பட்ட பிராணவாயுவானது உடலைக் காரியப்படுத்தாநிற்கும்;
செயலுறு பூட்டைப் பலவகை உறுப்பும் இலகிய தொழில்போல் ஐம்பொறி
புலன்கள் இன்புறுமன்றே - சமைக்கப்பட்ட பூட்டைகளிடத்துப் பட்டடை
யென்றும் தவிலென்றும் கதிரென்றும் சந்திரவளையமென்றும் பூணியென்றும்
பலபல வகையாகச் சொல்லப்பட்டு வருகிற உறுப்புக்கள் தோறும் மிகுத்து
வாராநிற்கிற தொழில்களைப்போல் இந்திரியங்கள் ஐந்துஞ் சத்தாதி
விஷயங்களை அனுபவியாநிற்கும்; இனைய வாயிலின் நிகழ்தரு பயனவை
அந்தக்கரணம் முந்தி உணர்ந்திடும்-மெய் வாய்கண் மூக்குச் செவியென்று
சொல்லப்பட்ட இந்திரியங்களாலே கொண்ட சத்தாதி விஷயங்களை
மனோபுத்தியாங்கார மென்கிற உட்கரணங்கள் அறியாநிற்கும்; இவை
அகல்வுழி ஐம்பொறி புலன் நிகழாது - இந்த அந்தக்கரணங்கள் நீங்கின
விடத்து ஐம்பொறிகளோடும் பஞ்சவிஷயங்கள் பொருந்தாது. இது சகலம்;
உயிர் நீங்கிடில் உடல் செயலிலதன்றே - பிராணவாயு நீங்குமாயின்
உடல்சேட்டையின்றி அவத்தைப்பட்டுக் கிடக்கும். இது கேவலம்; இவ்வகை
வினையின் செவ்விதின் நடத்தும் - இப்படி ஆன்மாவின் சன்னதி