17. நிமித்தகாரண பரிணாமவாதி சங்கற்பம்

பாச அஞ்ஞானப் பழிவழி யொழிக ஈசனது அருள்வழி இயம்புவன் கேள்மதி
- சரீ ரசம்பந்தமும் நீங்காமற் கர்த்தாவையும் அவிகாரவாதஞ் சொன்ன
இந்தக் குற்றத்தை யுடைத்தாகிய முத்திநெறியை விட்டுஞான கர்த்தாவினுடைய
திருவருளின் வழியைச் சொல்லுகிறேன். நீ புத்தி பண்ணிக் கேட்பாயாக
மதியென்றது அசை.                                           16

     மேல் நிமித்தகாரணபரிணாமவாதி தன் மதம் கூறுகின்றான :

     புவனம் யாவையும் புனிதனது உருவாம் சிவமும் சத்தியும் எனத் தெளி
- இந்தப் பிரபஞ்சமாகக் காணப்பட்ட உலகங்கள் இத்தனையுஞ் சிவசொரூபமா
யிருப்பதொன்று, இதில் திருசியமாயுள்ள தெல்லாஞ்சத்தியின்கூறென்றும்
அதிருசியமாயுள்ள தெலாஞ்சிவத்தின் கூறென்றும் நீ தெளிவாயாக; அவற்றுள்
அசேதனமென்று ஒன்று அறைதற்கு இலது-அந்த இரண்டு வகைக்குள்ளும்
அசேதனமாகச் சொல்லப்பட்டதொரு பொருளுமில்லை; அது சேதனன் நுகர்
பொழுது இரண்டும் ஓர் திறத்தே - அதிருசியமாய் அறிவாயிருக்கிற இவன்
அனுபவிக்குமிடத்து அந்த இரண்டு வகையும் ஒரு பகுதியாயிருக்கும்;
இதுவெனும் ஒன்றை அதுவாய்ப் படுத்துப் பொதுமையில்நிற்கும் போதம்
என்று அறிக - இதுவென்று சுட்டப்பட்டதொரு விஷயத்தை அனுபவிக்கு
மிடத்து அதே விஷயந் தானேயாய் அந்த அறிவானது தானென்றும்
விஷயமென்றும் இரண்டாகாமற் பொதுமையிலே நிற்குமென்று அறிவாயாக.
இதன்றியும்; பொற்பணிப்பேதம் புரைவழி யொருவழி - பொன் ஒன்றா
யிருக்கச்செய்தே

     1. பாசஞானப் - பாடபேதம்.