:: TVU ::

112

	ஜென்மார் கருவிலே வினைவிடந் தீண்டலால் நன்மனோ தத்துவ நாசமா யினவெலாந் தின்மையே செயவருந் திறனுளேன் சிறியவோர் நன்மையே னுஞ்செயத் திறனிலே னவையினேன்.	2

	நான்பிறந் ததுமுயிர்ச் சுமையினா னலியவோ கான்பிறங் கலினுறுங் கதழ்விடப் பாந்தளில் ஊன்பிறங் குடல்வளர்த் துழலுவே னுணர்விலேன் ஏன்பிறந் தேன்கொலா மேழையிவ் வுலகினே.	3

	அன்னையா யப்பனா யன்றுதொட் டின்றுமட் டென்னையன் பொடுபுரந் தென்றுநன் றேதருந் தன்னையே நிகர்வதோர் தம்பிரான் றயைமறந் தென்னையே முப்பகைக் கீடழிந் தினைகுவேன்.	4

	கனிதருந் தருமெனக் கவலுநங் கருணைமன் இனிதரும் பாதவித் தருவெறிந் திடுகென முனிதரும் பொழுதினே முடுகுமேன் முடுகுவெந் தனிதருங் கனல்சுடத் துடிதுடித் தயர்வலோ.	5

	ஓரணுத் துணையுநல் லுணர்விலே னுலகுசெய் கோரணிக் குளமுடைந் திடையுமோர் கோழையான் ஆரணத் துறைபடிந் தயர்வுயிர்த் திலனினி மாரணக் கடல்குளித் தயர்வனோ மதியிலேன்.	6

	அண்டர்நா யகனையே யவமதித் தலகையின் தொண்டனாய்ச் செய்ததீ வினையெலாந் துன்னிமுன் கொண்டலின் றிரளெனக் குழுமிநின் றுரறுமாற் கண்டிலே னோடியான் புகுதவோர் கரவிடம்.	7

	உரவுநீ ருததிசூ ழுலகெலா முய்யநம் புரவலன் புதல்வனைப் புனிதநீ தியிலிவண் வரவிடுத் தமையறிந் தினுமெனோ மடமையான் பரவிநின் றருள்பெறாப் பாவமென் பாவமே.	8

	எப்பெரும் பதகரும் மிதயநொந் தேங்கிவந் தப்பனே பிளைபொறுத் தருளுமென் றடையிலோர் ஒப்பரும் புதல்வனுக் குருகிமன் னிப்பமென் றிப்பெருஞ் சுருதிதந் திறைமறந் திடுவரோ.	9