வேறு

வெறுத்த நாசப்ப டப்பைவி ரும்பியான்
மறுத்த நாடின்ம கேசன்சி னத்தழல்
இறுத்தொ ருங்கற யாவையும் வாய்மடுத்
தொறுத்த காலைமற் றுய்குவ தெங்ஙனம்.       

மொழியும் பல்வகை மோசங்கண் முன்னுள
வழியி லேனுநம் மன்னருள் வாய்க்குமேல்
ஒழியு மங்கவை யாண்டுறி னுன்னத
அழிவில் பேரின்ப ஜீவன டுக்குமால்.          

திருமித் தீக்கிரை யாவதிற் சீரிய
தருமப் பாதைபி டிப்பது தானலம்
வருமப் பாலவ ருவவ ரட்டுமென்
றொருமைப் பாட்டுடன் சென்றிவை யுள்ளுவான்.

அலக்க ணுக்கொர ருமருந் தாகியுட்
கலக்க நீக்குங்க ருணைப்பி ரான்றரும்
இலக்க ணத்திரு வாக்கினெ ழிற்சுருள்
புலக்க ணைத்தெளி விக்கும்பு துமைத்தால்.     

என்ன வுன்னியி லங்கருட் சாஸனந்
தன்னை நாடினன் றன்வயிற் காண்கிலன்
பன்ன ருந்திகி லோடும்ப தைபதைத்
தென்னு யிர்க்குயி ரையிழந் தேனெனா.        

எண்ணி யெண்ணியி ரங்குமி டர்ப்படுந்
துண்ணென் றேங்குந்து டிக்குமெய் சோர்வுறும்
புண்ணி யப்பொரு ளின்பொலி வையினுங்
கண்ணிற் கண்டுக ளிப்பன்கொ லோவெனும்.    

பாதை காட்டிந டத்தும்ப வித்திர
சாத னத்தைத்த வறவிட் டேனெனாக்
காத லோடுபி ணங்குங்க ரைந்தழும்
ஏதெ னக்கினி ரக்ஷையென் றேங்கிடும்.        

சிந்தை மாழ்குமோர் ஜென்மத ரித்திரன்
விந்தை யாகப்ப டைத்தவி ழுநிதி
புந்தி யின்மையிற் போக்கியு லைந்தென
நொந்திவ் வாறுநு ணங்கிய காலையில்.