ஆற்றெதிர்ப் பட்ட துன்புக் களவிலை யவற்றால் யானோர்
காற்றெதிர்ப் பட்ட பூளை யாயினன் கருணை வேந்தன்
தேற்றெதிர்ப் பட்ட தாலோர் தீங்கின்றி வந்தே னீண்டிக்
கூற்றெதிர்ப் பட்டேன் வாணா ளின்றொடுங் குறுகிற் றேயோ.

நேருறத் துணிந்து செல்லின் னினைப்பதன் முன்னம் பீறிக்
கோரவெம் பகுவா யார விழுங்கிடுங் கொள்கைத் தம்மா
ஆரிவற் றிடையிற் சென்றிங் காவிபெற் றுய்வ ரிந்தக்
காரியங் கண்டன் றோவவ் விருவருங் கடுகி மீண்டார்.     

உயப்படு மார்க்க மாமிவ் வோரடித் தடத்தை விட்டிங்
கயற்புறம் விலகி யேகி னாவதன் றதோமு கங்கொண்
மயற்படு குழியுள் வீழ்ந்து மடிவது திண்ண மென்னே
செயப்படு முபாய மீண்டு திருமுதல் சீரி தன்றால்.        

பண்டுகோ ளரிவாய் கட்டிப் பத்தனைப் பாது காத்த
அண்டர்நா யகன லாலிவ் வாபத்துக் குதவு வார்யார்
உண்டெனக் குறுதி யென்னா வுள்ளியுள் ளூக்கந் தோன்றித்
தெண்டனிட் டுரக்கக் கூவி ஜெபித்தனன் சிந்தை யொன்றி.

ஆகுலத் துடன்வா னோடக்கி யழுதுமன் றாடிக் கூவுங்
காகுளி வான மெட்டக் கதித்தபே ரோசை கேட்டுக்
கோகுல மாட வீரிப் புறக்கடை குலவிக் காக்கும்
சோகமில் சாவ தானி தன்னுளே சூழுங் காலை.          

மேக்குயர் பரலோ கத்து விபுதரா யனைவி ளித்த
வாக்கிது வயவெஞ் சீய மறிதல்க்டஞ்சி யிட்ட
கூக்குர லிதுவென் றோர்ந்தென் வார்த்தையைக்குறிக்கொ                                            ளென்னா
மீக்கிளர் சத்தத் தோடும் விளித்துமற் றிதனைக் கூறும்.   

வெஞ்சின மடங்கற் கஞ்சி விளித்தனை போலு மெம்பி
அஞ்சிடே லஞ்சி டேனீ யருந்தளை காலிற்பூட்டிச்
செஞ்செவே தொடரின் மாட்டிச் சிறையிடு வித்த துண்டால்
விஞ்சியோர் தீங்கு செய்ய விறலின்றிங் விநய மோர்தி.   

கால்வழி பிசகா துள்ளங் கலங்காது கடவுள் வேந்தன்
கோல்வழி யிழுக்கா வண்ணங் குறிக்கொளீஇ யமைத்த வேத
நூல்வழி யுரத்து மத்தி நுனித்தடி பெயர்த்து வந்திப்
பால்வழி பிடித்தி நெஞ்சிற் பதியிது பரமார்த் தங்காண்.