(பொ - ரை) அவன்மனம் இளகி உண்மையான ஆத்ம
வசாரியை உற்றுநோக்கிச் சற்றுநின்று அருகிற்சென்று நீ யார்! ஏன்
வருந்துகின்றாய்? பெருகிக்கொண்டிருக்கின்ற இத்துயரமானது
உன்னிடத்துவந்த தன்மையென்ன? மாறுபாடிலாத
சிந்தையையுடையவனே, இவற்றை எனக்குச் சொல்லுக, என்றான்.

 

ஐயகேள் நாசதே சத்த னாங்கமர் வெய்யரில் வெய்யன்யான் வெகுளித் தீவிழுந் தொய்யென விவணெலா மொருங்க விந்தபின் மெய்யுற வருநடுத் தீர்வை வேந்தனால். 5

     (பொ - ரை) ஐயனே கேள்! நான் நாசதேசத்தி லிருக்கின்றவன்.
அங்கே சஞ்சரிக்கின்ற கொடியர் யாவருள்ளும் கொடியவன் யான்.
கடவுளுடைய கோபாக்கினியானது விழுந்து இவ்விடமெல்லாம் மெதுவாக
ஒருங்கு அவிந்தபிறகு பரலோக ராஜனால் நியாயத்தீர்ப்பு மெய்யாகவே
வரும்.

 

ஆயிடைக் கருணைவேந் தாணை மீறிய தீயரைத் தீச்சிறைப் படுத்தல் திண்ணமென் றேயுமிச் சுருதிநூ லியம்பு கின்றதை ஆயவித் துயர்க்கட லமிழ்ந்தி னேனரோ. 6

     (பொ - ரை) அவ்விடத்தில், கருணைவேந்தனானவர் தமது
ஆணையை மீறிய தீயவர்களை அக்கினி நரகத்துக்குள தள்ளுதல்
திண்ணமென்று பொருத்தமுடைய இச்சுருதிநூல் இயம்புகின்றதை
ஆராய்தலினால் இந்தத் துயரக்கடலுள் அமிழ்ந்தினேன்.

 

நன்றிகொன் றிறைவனை மறந்து நாடொறும் புன்றொழில் புரிந்துவீண் பொழுது போக்கிய வன்றலைப் புலையனேன் மருவு தண்டனைக் கின்றுநின் றிரங்குவ தியாவ தாங்கொலோ. 7

     (பொ - ரை) நன்றித் துரேரகஞ்செய்து இறைவனை மறந்து
நாடோறும் இழிந்து காரியங்களையே செய்து வீண்பொழுது போக்கிய
கொடிய புலையனாகிய நான் வருகின்ற தண்டனைக்கு எதிர்நின்று
இன்றைக்கு மனஸ்தாபப்படுகின்றது என்ன காரணம்பற்றியோ?

 

சாகவு மனமிலைத் தண்டனைக் கெதிர் போகவுந் துணிவிலைப் புறத்து ளாரைப்போல் ஏகவும் புகலிலை யீடு செய்யவோர் பாகமும் பலமிலைப் பதைக்கின் றேனென்றான். 8