:: TVU ::

289

	கண்டு கண்டு உவந்து - பார்த்துப் பார்த்து மகிழ்ந்து. வித்தகத் ரோகைமாமயில் - ஞானமுள்ள சிறந்த தோகையையுடைய மயில்கள். (சுதேச ஸ்திரீகள்.) அகவுஞ் சூழல்வாய் - ஆனந்திக்கின்ற பொழில்கள்தோறும். நாகம் மாயுமே - தந்திரமுள்ள பசாசாகிய சர்ப்பந் தலை நீட்டாது ஒழிவான். நாகம் ஆயுமே - சுவர்க்கலோகவாசிகள் (இந்தக்காட்சியைக்) கூர்ந்து கவனிப்பார்கள். எ - று.

23.	சீதவாவியின் - குளிர்ந்த தடாகங்களில். செய்ய பங்கயப்போது அலர்ந்திடும் போது - செந்தாமரைப் புஷ்பங்கள் விரிகின்ற பிராதகாலத்தில். ஆதபன் கதிர் அலருங்காலையில் - நீதியின் சூரியகிரணம் விளங்குகின்ற (காலை யாராதனைக்குக் கூடுகின்ற.) மாதர் வாண்ழக வாரிசங்களும் அலர்ந்திடும் - ஸ்திரீகளின் பக்தி விளங்குகின்ற வதனாம்புயங்களும் விகசிதமாயலர்ந்து விளங்கும். எ - று.

24.	இன்ன லுற்றவர்க் கிரங்கி - துன்பத்தை நுகருகின்ற வறியவருக்கு இரங்கி. யாண்டுமெய் நன்னர் வாசக நவிற்றி - எப்பொழுதும் உண்மையான மாதுரியவசனங்களைக் கூறி. ஆதரித்து - ஆதரவுசெய்து. உன்னருங்குணத் துதவிசெய்திடும் - நினைத்தற்கரிய நற்குணத்தோடு உபகாரஞ் செய்கின்ற. அந்நலாரெலாம் - அந்த நல்லவர்களெல்லாரும். அநலார்களே - அத்திருநாட்டில் வாசஞ்செய்யும் உத்தமகுணப் பெண்டிர்கள்தான். எ - று.

25.	மாரிசம் களை மா தவத்தரும் - கள்ளமில்லாத மனஸோடு பக்தி செய்கின்ற திருத்தொண்டரும். நாரி சங்கமும் - மாதர் கூட்டமும். நண்ணி அங்கு இருபாரிசங்களும் - (ஜீவவூற்றண்டை) அடுத்து இருகரை மருங்கும். படியுங்கால் - படியும்போது. முகவாரிசம் குலாம் - (அவர்கள்) முகபத்மங்கள் விளங்கிய. வாரிசங்கமே - ஜீவ நீர்நிலைகள் (அந்நாட்டில்) சங்கமென்று சொல்லத்தக்கனவாயிருக்கும். எ - று. 'படியுங்கால்' என்பதை நீர்நிலையில் நீராடுதலாகவும், தேவாலயத்தில் வணங்குதலாகவும் கொள்க.

26.	திருமலிந்த மங்கையர் சிறாரொடும் - வைதீகநலங் கதித்த பெண்டிரோடும் பிள்ளைகளோடும். மைந்தர்தாம் - புருஷரானவர்கள். மருமலிந்த பூம்பொழிலின் - புஷ்பவாசனை பரிமளிக்கின்ற சோலையினிடத்து (நற்கிரியை பரிமளிக்கின்ற குக்கிராமங்களில் என்றபடி.)