:: TVU ::

302

	எய்தகொ டுங்கணை யெத்தனை கோடிக ளெல்லாமும் வைதுகு றைத்தன னென்பதை யல்லது வரிவில்லாற் கொய்துகு றைத்தன னென்பதெ னென்றுகொ டும்பேயன் செய்திறம் யாதினி யென்றுதி கைத்தொரு தெளிவுற்றான்.	77

	சத்திர மாப்படை கொண்டிவ னோடே சமாராடுஞ் சித்திரம் வெற்றித ரும்பரி சன்றது சீர்கேடாம் அத்திர மாயவ ரும்படை கொண்டிங் கமராடிக் குத்திர வாகைமி லைச்சுவ லென்று குறிக்கொண்டான்.	78

	சுமையுறு பொய்மைத் தூணியுண் மண்டித் தொகுமாறு சமயமு கங்கொள் ளத்திரம் வாங்கித் தனுநாணிட் டிமயமு தற்றக் கணம்வரை வென்ற திதுகாணென் றமையவி டுத்தான் வஞ்சவ ழிம்ப வசுரேசன்.	79

	வேறு.
	விடுத்த வெம்படை முகந்தொறும் பேய்க்குறி மிளிர்வ கடுத்து றும்புழை விழிதொறுஞ் சினக்கனல் கஞல்வ மடுத்த வாய்தொறும் புலைப்படு மொழிப்புகை மலிவ வடுத்த ழைந்தமெய் மயிர்தொறுங் கூளிகள் வதிவ.	80

	மதங்கொ டுன்முகந் தனித்தனி மாறுகொண் டடர்த்துக் கதங்கொள் சீற்றமிக் கிகலுவ தத்தமிற் கறுவி விதங்கொண் மாந்தரைச் சிற்றின்பப் படுகரில் விழுத்தி வதங்கொ ளும்பழங் கதையெடுத் துயிர்கொளும் வலத்த.	81

	எண்டி சாமுகத் தெமக்கெதி ரின்றெனச் செருக்குக் கொண்டு நிந்தனைக் கொடுத்தழ லிறைப்பவீண் குதர்க்கம் விண்டு மெய்ப்படு விளக்கொளி விளங்கில தாக மண்டு பேரிரு டொடுப்பமன் பதைக்குல மருள.	82

	ஆய விக்கொடும் படைக்கல மகங்கரித் துலம்பித் தூய வேதிய னெஞ்சினுக் கெதிர்செலத் துளங்கான் நாய காத்திரந் தொடுத்திது நாசமுற் றேக மாய விப்படை சிதைத்திடு வேனென மதித்தான்.	83

	ஏய னும்பொழு தீசுரப் படைதொழு தெடுத்தான் மாய மில்லதோர் மானத பூசனை வகுத்தான் தீய விப்படை செகுத்தியென் றுள்ளுறை தெரித்தான் மேய தூவரி விற்றொடை யாக்கினன் விட்டான்.	84