:: TVU ::

305

	விளித்த கூக்குரல் செவிபுக விட்புலத் தரசன் அளித்த மெய்ப்பல மகம்புக வயதியி னெகிழ்ந்த ஒளித்த பட்டயங் கரம்புக வுணர்வுவந் தூன்றிக் களித்த சிந்தையோ டெழுந்தனன் வேதியன் கடுகி.	101

	அணித்த ழிம்பனைக் கண்டுநன் றாமென வகத்திற் குணித்து வல்விரைந் தொருகையிற் கேடகங் கொளுவிப் பணித்த மந்திரப் பட்டய மொருகையிற் பற்றித் துணித்து வஞ்சநெஞ் சுழக்குவல் காவெனச் சொல்லி.	102

	மந்தி ரத்தனி வாட்படை யோங்கிவன் கண்ணன் தந்தி ரத்தட மார்புறப் புகுத்தலுந் தலைசாய்ந் தந்த ரம்பட வலறின னழிபெருங் குருதி சிந்தி யங்கவன் வெஞ்சினத் தீத்தழல் சிதைத்த.	103

	நெஞ்சு ரங்கிழிந் தழிம்பனீ ணிலத்துறீஇ நெடிது சஞ்சலம்படத் தடஞ்சிறை யிரண்டையுந் தடிவான் செஞ்சொ லாரணன் மந்திர வாள்கரந் திகழ்த்த அஞ்சி வாய்வெரீஇ மீக்கிளர்ந் ததோகதி யடைந்தான்.	104

	திரும லிந்தவி ஜெகமெலாந் திரளினும் ஜெயித்தற் கருமை யாயவெவ் வழிம்பனை யாரணக் கிழவன் ஒருமை யாய்ப்பொரு தோட்டினன் வெற்றிபெற் றுய்ந்தான் தரும மேஜெயந் தருமெனல் சதோதய சரதம்.	105

	மன்னு திவ்யசர் வாயுத வருக்கத்தின் வலியும் பொன்னி லத்தர சன்றரு திருவருட் பொலிவுந் தன்னி ருந்துணை யாக்கலி னழிம்பனைச் சமரில் வெந்நி டத்துரந் தான்றிட மெய்விசு வாசி.	106

	வம்பர் நிந்தனை வசைமொழி வறுமைநோ யிடுக்கண் இம்பர் நேரினும் பகைத்திற மெதிரினு மெல்லாம் உம்ப ரேசெல வொப்படைத் தொருமன மாக நம்பி னோரைக்கை விடுவரோ நலம்புரி நம்பன்.	107

	முற்றுந் தன்றுணை யாயசு ரேசனை முருக்கச் செற்ற நல்கிய திருவருட் செயலினைத் தேறிக் கொற்ற வன்சுதன் றிருவடிக் கேரகன கத்தில் வெற்றி மாலையைப் புனைந்தனன் வேதியர் திலகன்.	108