:: TVU ::

307

	சீரிய சீயோ னென்னுந் திவ்விய கிரியின் சாரல் காரிருட் பிழம்பொன் றேயோ கடுவிடப் பாந்தள் துற்றி மாரணப் படுக ரெங்கும் வரம்பில்பேய்க் கணங்கண் மல்கிப் பேரிடி முழக்க மெஞ்சப் பளிறிநின் றுரறு மாதோ.	8

	அதரிரு மருங்குங் கிட்டி யாழ்படுங் குழிக்குண் மேய சிதடர்வல் விலங்கு பூண்டு திகிலுறீஇக் கலங்கி மாழ்கிப் பதறிநெட் டுயிர்ப்பு வீங்கிப் பதைபதைத் தலறி யேங்கிக் கதறியங் குழலுங் காட்சி யாதெனக் கழறு கிற்பேம்.	9

	மன்றலங் கிரியின் சாரன் மழைமுகி றுவன்றி யெங்குந் துன்றிருள் பரத்த லாலே விழிப்புலந் துருவி டாதால் கொன்றுழன் மரணம் பொங்கிக் கொடுஞ்சிறைவிரித்துப்போர்த்துச் சென்றுநின் றகவு மாங்கே யாரதை ஜெயிக்கு மீட்டார்.	10
`
	முன்னையோ ரடிபெ யர்ப்பின் மோசத்தின் முழுகிப் போவேம் பின்னையே திருமி யாவி பிழைத்திங்ஙன் வருவே மல்லேம் நின்னையுங் காணுகில்லே நிகழ்பரி சுணர்த்து கில்லேம் என்னையே நிற்றி தாழா தெம்மொடு திருமு கென்றார்.	11

	என்றலு மறைவ லாள னெம்பிரா னகர்சென் மார்க்கம் ஒன்றிதை யொருவு வோருக் குய்விலை யுண்மை தேரின் இன்றொடு முடிவ தாய விடரினுக் கலசி யோடித் துன்றிரு ணிரையத் தென்றுந் துடிப்பதோ சூழ்ச்சி யென்றான்.	12

	நன்றுநன் றுனது சிந்தை நாடிய படிசெ யாங்கள் பொன்றிடத் துணியே நின்சொற் புத்தியு நீயு மாமுன் சென்றறிந் திடுக வெங்கள் தெருளுரை யென்று நெஞ்சங் கன்றிய விருவ ரோடிக் கலந்தன ரழிம்ப னாட்டில்.	13

	வெருவியோர் வெந்நிட் டேக வித்தகன் முன்னிட் டேகி மருவினன் றமிய னாக மாதுளத் தெழுந்த பாவக் கருவினின் றோங்கி மாயக் கருந்தழைக் காடு மல்கிப் பருவரல் பழுத்துத் தூங்கும் மாரணப் படுகர் வைப்பை.	14