:: TVU ::

308

	செற்றமில் குணத்தா னந்திச் செக்கர்வான் மருண்டு கங்குல் உற்றுழி யடுத்தா னாக வுள்ளுளே கவன்று நோக்கி மற்றிதே போலுங் கேட்ட மாரணப் படுக ரென்று சற்றுளந் திகைத்து நின்று தன்னுளே கவல்வ தானான்.	15

	பாபத்தின் றிரளோ வந்த காரத்தின் பரப்போ தேவ சாபத்தின் செறிவோ மாய சாலத்தின் சமைவோ நித்ய கோபத்தின் மலிவோ ஞான நாசத்தின் குவிவோ மோச ஆபத்தின் குகையோ வந்தத் தாரிருட் படல மம்மா.	16

	பூருவந் தொடங்கி யூழி புடைபெயர் காலங் காறும் பாரகங் கெழுமு ஜீவப் பகுதிக டம்மை யெல்லாம் வாரிவாய் மடுக்கு மீண்டோர் மாரணப் படுக ருண்டென் றூரவ ருரைக்கக் கேட்ட துண்டியான் கண்ட தின்றால்.	17

	பொறியெலா மருளு மாலைம் புலனெலாம் புதையு மானன் னெறியெலாம் பிசகு மாலென் னினைவெலாம் புரளு மால்விண் குறியெலாங் குழம்பு மாலென் குணனெலா மழுங்கு மான்மெய் அறிவெலா மடங்கு மாலென் னாருயி ரகலுங் கொல்லோ.	18

	ஆவியே யகலு மேனு மாரருட் கிறிஸ்து வேயென் ஜீவனுந் தேக பந்தந் தீர்ப்பதற் கியல்வ தாய சாவுமூ தியமா மென்னச் சமைந்துள விசுவா சத்தின் மேவரு தைரி யந்தா னுடலொடு விளிவ தேயோ.	19

	கொந்தழ லனைய துன்பங் குவைகுவை யாக வென்மேல் வந்துவந் தடர்க்கு மேனு மகத்துவ கருணை வெள்ளம் உந்திமே லிடுமற் றென்னா வுள்ளுளே யூக்கந் தோன்றி மந்திர வாள்கைக் கொண்டு மரணவைப் பூடு செல்வான்.	20

	பட்டய வொளியிற் பக்கம் பார்த்தருட் பாதை பற்றி உட்டெளி வொடுகா லூன்றி யுரத்தடி பெயர்த்து நின்று துட்டவல் விலங்கு காளி கூளிக டொகுமக் காட்டுள் கிட்டனோர் தமிய னாக மென்மெலச் செல்லுங் காலை.	21

	பூவல யத்து நீசப் புலையநு போகந் துய்த்து ஜீவநாட் கழித்துச் சிந்தை திருகியே சிதட ராகித் தாவரு நொதிக்குள் வீழ்ந்து தத்தளித் துயிர்ப்பு முட்டி ஆவலங் கொட்டி வாய்விட் டழுதழு தவலிப் பாரை.	22