:: TVU ::

323

	சஞ்சலம லைச்சிகரி நின்றிழித டத்தில் எஞ்சியமு கத்தருளி லானிதய கோட்டன் நெஞ்சுறவ ணைந்திநெறி நீசமுறு மேழைப் பஞ்சைகள்ப யின்றிடுமோர் தாழ்படுக ருய்க்கும்.	55

	சீரொடுசி றப்பிலது செல்வர்புக வொல்கும் பேருளதி கழ்ச்சியுறு பெற்றியது நீயக் காரிருடொ கும்படுக ரிற்கவிழ்தி யேனம் ஊரவம தித்துநகை செய்யுமிஃ துண்மை.	56

	திருவிலிக ளோடுநெறி சேர்தன்மதி யன்றால் கருவனிறு மாப்பனகங் காரியோடி டம்பன் பெருமிதனு னக்குறவ ராயவர்பி ணங்கிப் பொருவரிய மூடனென வெள்ளுவர்பொ றாரால்.	57

	நம்பினஜ னங்கள்செலு நன்னெறிவி னாவின் அம்மபெரு மைத்திடரின் மீதுசெல மார்க்கம் எம்மவர்கு ழாங்கொளத லத்தினிதி னுய்க்குஞ் செம்மையுறு மேலவர்செ லும்பரிசு மோர்தி.	58

	இலகுபுகழ் மேன்மையுல கின்பசுக மெல்லாங் குலவுநெறி விட்டிழிகு லீனர்நெறி கொள்வாய் உலகருள தென்பதிலை யென்னிலுல குக்கோர் அலகையிவ னென்பரித றிந்திலைகொ லென்றான்.	59

	கோணியம னத்தனிது கூறலும றுத்துச் சேணிலவு பூபதிதி கழ்த்து நெறி சேர்வல் கோணிலைதி ரிந்துலகு குப்புறுவ தேனும் நீணிரைய முய்க்குநெறி நேரடிபெ யர்க்கேன்.	60

	என்றருள்வ ழிப்படமு யன்றுளமி சைந்தேன் அன்றுகிளை நட்புரிமை யாயவுற வோர்க்குப் பொன்றினவ னானவரெ னக்குமது போல்வர் இன்றவர்வ ழிப்படுவ தெங்ஙனம டுக்கும்.	61

	மாயவிரு ளோடுசுடர் வான்பரிதி காலுஞ் சேயொளிம டுத்துறவு செய்யுமெனி லன்றோ பேயடிய ரோடுயர்பெ ருந்தகைதொ ழும்பர் ஆயவர்ப ரிந்துறவு செய்வரென லாமால்.	62