:: TVU ::

354

	மாணுடை யுணவு பான வருக்கமஞ் சனஞ்சு கந்தம் பூணணி கலங்கர்ப் பூரப் புதுநறுங் கலவை மென்பூக் காணநெஞ் சிவருங் காட்சிக் கருப்பொருள் பலவு மீட்டி நீணகர்க் குதவி யென்று நிறைவளம் படுக்கு மாதோ.	71

	வரைகட னகர நாடு வனம்படு மமுதத் தோடு குரைகடற் புவியின் மேய கொழுநிதிக் குவையும் விண்மீன் புரைநவ மணியி னாய பொற்குவை பலவும் பொங்கி நிரைநிரை பொலிய வெங்கு நிருத்தனம் பயிலு மாயம்.	72

	அகத்திரு ளிரிக்கு மன்றோ வவிராளித் தீபம் யாண்டுந் தொகுத்தபன் மணிமுத் தம்பொன் சுடர்விரி வைர மாதி மகத்தொளி விளைக்க நாளு மாயவர்த் தகஞ்செய் மாந்தர் அகத்திருண் மலியு மல்லா லகல்கில திதுவே யாக்கம்.	73

	பல்வளங் கெழுமு நானா தேசத்தும் பயின்றங் குள்ள நல்வள மொருவி ஜீவ நாசத்தை மலியக் கொண்டு சொல்வளம் பெருக்கி விற்றுச் சூனியப் பொருளை யாக்கிக் கொல்வளம் படுக்கு மாயக் குத்திரங் குலவுஞ் சந்தை.	74

	அங்கிலோ தேசத் துள்ள வரும்புரு ஷார்த்தங் கொள்ளார் பொங்குடாம் பீகம் வன்கண் பொருளீட்டு தந்தி ரங்கள் வெங்குடி கேடென் றாய விநாசத்தை விலைப்பா லீட்டிச் சங்கடம் பகரு மாயச் சந்தையி னமலைத் தெங்கும்.	75

	மாயிரு ஞாலத் துள்ள வரம்பிறீக் குணங்க ளெல்லாந் தீயசிற் றின்ப போகச் செவ்வியா யுருவு வாய்ந்து மேயவிவ் வுண்மை தேரார் விழிமருண் டெளிதிற் றுய்ப்பர் தூயஜீ வியத்தை நல்கிச் சுடர்விழு பதங்க மேபோல்.	76

	பாரீச னாகக் காட்டும் பாதகப் பசாச னுய்த்த மாரீசக் கடையின் சால வஞ்சவின் பத்தை நச்சி நேரீசற் குழுவின் மொய்த்து நிலவுல கத்து மாந்தர் ஒரீஷத் துணர்வற் றான்ம வூதிய மிழப்ப ரந்தோ.	77

	ஆரணங் காட்ட நாடி யகங்குழைந் திருப்பார் யாண்டும் ஆரணங் காட்ட நாடி யகங்குழைந் திருப்பா ரில்லர் தாரணி தந்த ஞானச் சனியனைப் பணிவார் யாண்டுந் தாரணி தந்த ஞான தம்பிராற் பணிவா ரில்லர்.	78