| |
தந்தை
கொடுத்த தசவிதியைத் தள்ளி யகச்சாட் சியைமழுக்கிச்
சிந்தை யுரக்க நன்றொருவித் தீமை புரிந்த நரரேங்காண்
எந்த விதத்துந் தேவசின மெரிக்கு முன்ன மெமைப்புரக்க
வந்த பரம சுதன்பாதம் வணங்க வாரும் ஜெகத்தீரே.
|
24
|
| |
|
|
| |
ஏழை
மதியாற் றுன்மார்க்கத் தெய்தற் கரிய வாழ்நாளைப்
பாழாக் கிடுவீ ரந்தோநிர்ப் பந்த முடிவு பற்றியபின்
ஊழி யூழி யழுதாலு முய்வுண் டாமோ வுளந்திரும்பித்
தாழா தின்னே யேசுதிருச் சரணைப் பிடிமின் ஜெகத்தீரே.
|
25 |
| |
|
|
| |
எல்லாங்
கொடுத்த தாதாவை யிறைஞ்சிப் பிழைக்க மதிகுலைந்து
பொல்லாங்குடற்றும் பேய்க்கடிமை புகுந்துவிலக்குங்கனி
புசித்தோர்
அல்லா லமலன் பாவவினைக் காதி யென்ப தறப்பாவம்
எல்லாப் பவமு மறக்குமர னிணைத்தா ளடைமின் ஜெகத்தீரே.
|
26 |
| |
|
|
| |
பொறுதி
யுடைய தெய்வமென்று போக வரநீர் புரிபவத்துக்
கறுதி யிலையே யந்தோநும் மாவி யிறைமுன் னடுத்திடுமவ்
விறுதி நாளின் பயங்கரத்துக் கென்னோ செய்வீ ரிக்கணமே
உறுதி நாடிக் கிறிஸ்துவுக்கே யுளமீந் துய்மின் ஜெகத்தீரே.
|
27 |
| |
|
|
| |
சர்வ
ஜீவ காருணியந் தன்னா லென்றுந் தமக்குரிய
சர்வ மகிமை யுங்கனமுந் தள்ளி மநுவாய்ச் சஞ்சரித்து
சர்வ லோக தண்டனையுந் தாமே சகித்துக் கதிதிறந்த
சர்வ லோக சரணியனைச் சார வாரும் ஜெகத்தீரே.
|
28 |
| |
|
|
| |
பாவ
வழுக்கு மாத்துமத்தைப் பற்றி யிருப்ப தறியாமல்
ஆவ லொடுசிற் சிலநதிநீ ராடிற் றொலையு மெனவலைந்து
சாவீ ரீதோ ரக்ஷணிய சைலஞ் சுரந்து பெருகிவரும்
ஜீவ நதிநீ ராடுதற்குச் சேர வாரும் ஜெகத்தீரே.
|
29 |
| |
|
|
| |
கானம்
புகுந்து தனையொறுத்துக் காயம் வருத்திக் கண்மூடி
மோனம் புரிந்து தவயோக முயல வேண்டா மவரவர்தந்
தான மிருந்தாத் துமபாவச் சழக்கைக் கருதித் தனைத்தாழ்த்தி
ஞான குருவின் புண்ணியத்தை நாட வாரும் ஜெகத்தீரே.
|
30 |
| |
|
|
| |
மனம்போம்
வழியே மதிபோக்கி மயங்கிப் பலபா தகம்புரிந்து
தினம்போம் வீணே நடுநாளிற் றிகிற்குள் ளாகிக் கலங்குதிரோ
இனம்போ காதீர் மதிமோச மின்னே யெம்மா னேசுதிரு
முனம்போய் விழுந்து கெஞ்சுதற்கு முடுகி வாரும் ஜெகத்தீரே.
|
31 |