:: TVU ::

368

	ஈன மதியாற் பவம்புரிந்தே மினியென் செய்வே மிரக்ஷிப்புக் கான வழியே தஞ்சலென வபயங் கொடுப்பா ரெவர்புனித ஞான முறுமா றெவனென்ன நாடிக் கவன்று ணைவீரேல் தீன தயாள சற்குருவைச் சேர வாரும் ஜெகத்தீரே.	48

	மாபா தகஞ்செய் துரோகிகள்யாம் வரையா தருடா தாவேயுங் கோபாக் கினியைத் தாங்கவெம்மாற் கூடா தையா குவலயத்தில் ஆபா சத்தைத் தவிர்த்தவும் தருமைக் குமர னிமித்தமெங்கள் பாபாத் துமத்துக் கிரங்குமெனப் பணிந்து வாரும் ஜெகத்தீரே.	49

	பாவ வுணர்ச்சி மனந்திரும்பல் பச்சாத் தாபம் பரமசுதன் ஜீவ வஸ்தை தனைநினையுஞ் சிந்தைக் கனிவு விசுவாசந் தேவ சிநேகம் பவவெறுப்புத் திடநம் பிக்கை யிவைபரிசுத் தாவியருளாற் பெற்றிறைவற் காட்பட் டொழுகும் ஜெகத்தீரே.	50

	தம்மோர் மகவை யும்பொருட்டுத் தந்த பரம தாதாவின் கைம்மா றொன்றுங் கருதாத கருணைப் பெருக்கைக் கண்டிருந்து எம்மாத்திரமு முணராம லெல்லா நாளும் பவம்புரிந்தாற் சும்மா போமோ பெருமானைத் துதிக்க வாரும் ஜெகத்தீரே.	51

	மிக்க சம்பத் துரிமைமனை விரும்பு மக்கள் கிளைஞருற வொக்க வொழியு மல்லாம லுயிர்போங் காலத் துடன்வருமோ எக்கா லத்து முடனிருந்திவ் விகத்தும் பரத்துஞ் சுகம்வவழங்கத் தக்க பெருமா னேசுதிருச் சரணைச் சாரும் ஜெகத்தீரே.	52

	ஜீவ ரக்ஷை யுளம்பதித்துத் தேக விச்சை தனைமுனிந்து பாவ வுலகை யருவருத்துப் பசாசைச் செயித்துப் பரமார்த்தம் மேவு சுருதி நெறியொழுகி விசுவா சத்தாற் றிரியேக தேவைப் பரவிக் கதிகூடச் சேர வாரும் ஜெகத்தீரே.	53

	ஜென்ம வினையு மனாதிகளாற் றினமும் புரிந்த தீயகொடுங் கன்ம வினையுங் கதிரவனைக் கண்ட பனிபோற் கழிந்தோடும் புன்மை யகலும் புதிதான புனித மனமும் பொருந்துமதால் தன்ம வுருவா கியவேசு சரண மடைமின் ஜெகத்தீரே.	54

	விசுவா சத்தாற் பெருஞ்சூளை வெந்தீக் கிடங்கை மேற்கொண்டா விசுவா சத்தால் வெஞ்சீய விரிவா யடைத்தார் விறல்கொண்டா விசுவாசத்தான் முப்பகையை வென்றார் முதுவே தியரதனால் விசுவா சத்தாற் கிறிஸ்தரசை விரும்பி வணங்கும் ஜெகத்தீரே.	55