:: TVU ::

378

	நிறந்துரூஉ மயிலென நிந்தை செய்குதிர் திறந்திற மெத்தனை தீங்கி ழைக்குதிர் மறந்தொரு கொடுமொழி வழுத்து வாரலர் அறந்திறம் பாமையென் றறிகி லீர்கொலோ.	42

	குறுமையீர் யாதுநுங் குறிப்புக் குற்றமோர் சிறுமையு மியற்றிலர் தீங்கி யற்றுதிர் வெறுமைகண் டவமதித் திடுதிர் வேதியர் பொறுமையே யிப்புரம் பொடிக்குங் காண்டிரால்.	43

	இன்றுநந் தீங்கினுக் கிடர்செய் யாதிவர் ஒன்றுநன் றுஞற்றலி னும்ப ரேயிவர் நன்றுசெய் பவர்க்குயிர் நலிவு செய்யுநீர் கொன்றுழல் விலங்கினுங் கொடியி ராமன்றோ.	44

	இத்தகு வனசில ரியம்பி நிற்கவும் அத்தகு வனபல ரதட்டி யார்க்கவும் மத்தமா யக்கடைத் தலைவன் மற்றிவை உய்த்துணர்ந் துளமகிழ்ந் துலவுமெல்லையில்.	45

	பதிதருக் காநடுப் பரிந்து பேசிய சதிசெயுங் கயவரைச் சமயங் காட்டிய விதிதரு தண்டனை விதித்துந் தேர்கெனாப் புதிதொரு விளம்பரம் புக்க தவ்வழி.	46

	விளம்பரத் தொனிசெவி வெதுப்ப மெல்லென உளம்பரிந் தொதுங்கின ருண்மை சொற்றவர் வளம்படு மாயையின் வலவர் தொக்கமர்க் களம்படு சிலைத்தெனக் கௌவை வீங்கிற்றே.	47

	அலைபடு கடல்கிளர்ந் தனைய தாமெனப் புலைபடு மானிடங் குழுமிப் பொங்கலிற் சிலைபட வெங்கணுஞ் செலவு தீர்ந்துராய் மலைபடக் கிடந்ததம் மாய வீதியே.	48

	வெய்தினிற் காவலர் விரைந்து பற்றியீர்த் தெய்தினர் வேதிய ரிருவ ரைக்கொடு செய்திறம் யாவையுஞ் செய்து வெஞ்சிறைப் பெய்தன ரொள்ளொளி பிறங்கு வாளின்வாய்.	49

	உறையுறப் புகுந்திடு மொளிகொள் வாளெனக் குறையறக் கனன்முகங் குளிக்கும் பொன்னெனப் பொறையொடு முணர்வொடும் புகழொ டுங்கொடுஞ் சிறையிடைக் கிடந்தனர் தெள்ளி யோர்களே.	50