:: TVU ::

383

	கொடுவிடப் பற்களே குழுமியோ ரவருளங் கடுவிடங் கெழுமுபை கவினுமண் டபநிலை தொடுகடற் புடவியைத் தொல்லைவாய் வைத்தவப் படுகொலைப் பாதகப் பாந்தள்வாய் முழையரோ.	8

	துட்டவெம் புற்கணந் தொகுமுழைப் புதரின்வாய்ப் பட்டமா னினமெனப் பருவரற் றளையொடுங் கட்டுபா சத்தொடுங் கடியர்கொண் டுய்த்திடச் சிட்டரோ ரிருவருங் குறுகினார் செவ்விதே.	9

	அனையவோ லக்கமா வமையறப் பகைமுனம் முனைவவிப் பதிதரெம் முதுகடைத் தெருவில்வந் தினையதே சத்திய மென்றெடுத் தோதியெம் வினைசிதைத் தூர்ப்பிரி வினையுமுண் டாக்கினார்.	10

	உலகவின் பொழியுமென் றுள்ளுவர்த் துச்சிலர் இலகுமா யச்சரக் கெதையுநா டாதுபோய் விலகினார் வர்த்தகம் வீழ்ந்ததிம் மட்டுமோ அலகையா திக்கமு மவமதிப் புற்றதால்.	11

	இருவர்மற் றிவரின்யா மேழையாத் திரிகராய் மருவினன் றின்றெனின் மாயவர்த் தகமெலாந் தெருவிலே வந்துசீ சீயெனப் பட்டபின் பெருகுகே டேயலாற் பெறுதுமோ வூதியம்.	12

	இம்மறைக் கிழவர்கண் ணெதிருறும் பொழுதெலாம் எம்முளத் தில்லவே யில்லையென் றுள்ளவோர் செம்மனக் கரிமிகச் சினவிநின் றுயிர்தெறும் அம்மகூற் றுவரெனற் கையமொன் றின்றரோ.	13

	கொற்றவா வோர்திகொல் லாதுகொல் லுங்கொலை கற்றபா தகரிவர்க் கோறலே கடனெனாச் செற்றமல் கினமுறைப் பாடெலாந் தேர்ந்துமுன் சொற்றனன் றுஷ்கிரு தப்பெயர்த் தூர்த்தனே.	14

	சொன்னதுஷ் கிருதன்வாய் மொழிசெவித் தொளைபுக நன்னிதா னன்னெனு நவையிலா னாங்கெழுந் துன்னதா திபனெறிக் கொருவியோ ருறவுமற் றிந்நகர்ச் சீலமு மருவருப் பெற்கரோ.	15