:: TVU ::

394

	எத்து ணைப்பெரும் பாவிய ராயினு மெள்ளா வித்த கக்கும ரேசனை மெய்விசு வாசப் பத்தி யாயிறு மட்டும்ப ராவுதி யென்னின் முத்தி வீடுபு குந்தனை முத்தனு மானாய்.	22

	ஆயு ளெல்லைய றந்திர மாதலின் முன்னே மாய வாழ்வைவ ரைந்துநம் மானைமன் றாடித் தூய வாவிது ணைக்கொடு நன்னெறி துன்னென் றாய சொன்மதி விண்டன னந்தரங் கத்தில்.	23

	ஜீவ சாக்ஷிதெ ருட்டுசெஞ் சொல்லமு தத்தை ஜீவ பாதைக்குத் திவ்விய கோனக மாக்கி ஜீவ நாடியு யிர்த்தநல் லோரையின் செவ்வி ஜீவ பாதைசெல் வான்மனங் கொண்டனனன் செய்யோன்.	24

	பழியும் பாவமு மல்குமிவ் வூரினிப் பாழ்பட் டொழியு மெனபதற் கெட்டுணை யையமொன் றில்லை அழிவி லாதசீ யோன்மலைத் தேசத்தை யாக்கும் வழியை நாடுவல் யானென வுள்ளம்வ லித்தான்.	25

	தெருளுஞ் சிந்தையின் முந்துறு தெய்விக வேந்தன் அருளு மார்ந்துர மாக்கலி னாக்கிய வெல்லாப் பொருளுங் காதல்வ ருக்கமும் போற்றிய புந்தி மருளும் போக்கிநம் பிக்கைமெய்ந் நூல்வழி வந்தான்.	26

	முப்ப ரம்பொரு ளாயலோர் புண்ணிய மூர்த்தி துப்பு றழ்ந்ததி ருவடிச் சூழலை நாடி இப்பு விப்படு மீடணை யாவுமி கத்துக் குப்பை யாயுவர்த் தேகினன் கோன்முறை கொண்டு.	27

	எரிவி ழுந்திக்க டிநகர் நீறிடு மெல்லை உரிய தன்மனை மக்களு மொக்கலும் வெந்து கரிவ ரேயென வேங்கியு யிர்த்தழு கண்ணீர் சொரிய நின்றுது டித்தன னாங்கொரு சூழல்.	28

	இருவ கைப்பற்றி னாழ்ந்தவெ னைக்கரை யேற்றத் திருவு ளத்தருள் பூத்ததி ரித்துவ தெய்வம் பொருவ ருங்கரு ணைக்கட லாதலிற் பொன்றா தருள்வ ரங்கவர்க் கும்மெனத் தேறின னாறி.	29