:: TVU ::

399

	வாக்கு விஞ்சிரு நாக்கனென் பவன்மறை யோதிக் கூக்கு ரற்படுத் ததிகப்ர சங்கியாங் குருக்கள் மீக்கி ளர்ந்தபே ராசையால் வேதியர் வேடத் தீக்கை பெற்றனன் யானவற் குண்மையாஞ் சீடன்.	30

	இத்த லத்துவாழ் வினுக்கிடை யூறொன்று மின்றி ஒத்து வந்தமட் டொள்ளியோய் முத்திநா டுறுமிப் பத்தி மார்க்கத்துப் படர்குவல் பருவர லாதி தத்து மேலிடி னேர்வழி விலகிப்பின் சார்வல்.	31

	என்றிவ் வாறுதன் னயன்விதந் துரைத்தரு மெழில்கூர் மன்றல் வேதிய னுண்மையே யுரைத்தனை மதிக்கின் நன்ற றிந்தன னுன்னிலை யாவையு நயந்தீண் டொன்று கூறுவல் கேட்டியென் றுரைத்தன்மே யினனால்.	32

	பத்தி வேடங்கொண் டயலுளார் மருண்டிடப் பகட்டி எத்தி நீசமட் பொருட்குவை யீட்டுத லிழிவாங் குத்தி ரக்கொடு வினையுமாங் குறித்திடிற் கொடியோய் எத்தி றத்தினுங் கேடுகா ணிகபரத் தெவர்க்கும்.	33

	குறித்துக் கோனகர் வழிப்படிற் குளிர்பனி வெயிலான் மறித்த சண்டமா ருதத்தினால் வலியநீர்ப் பெருக்காற் செறித்த பல்பெரு மோசத்தாற் றியங்கிடா துயிரை வெறுத்து முன்னெதி ரூன்றிடு மெய்ப்பத்தி வேண்டும்.	34

	களங்க மற்றமெய்ப் பத்தியோ டுழைத்திடிற் ககன வளங்கொண் முத்தியுந் திருவருட் பயத்தினால் வாய்க்கும் உளங்கொ ளாப்பத்தி வேடத்தா ருறுநர கென்றே விளங்க மெய்ம்மறை யோலிடு மிடந்தொறும் விளித்தே.	35

	இத்த குந்தெய்வ பத்தியொ டெத்துயர் வரினுஞ் சித்த சஞ்சல மடைந்திடர்ப் படாதெதிர் செறுத்துன் மத்த சிந்தனை வரைந்துடன் வருதியேல் வருக ஒத்தி டாதெனி னுவந்தசெய் யெனவெதிர்த் துரைத்தான்.	36

	மலநு கர்ந்துழல் சூகரம் வான்சுவைக் கரும்பின் நலம்வி ழைந்திடா வாறுபோ னச்சுல கத்துப் புலையின் பந்நுகர் பொறியிலி பொருவில்பே ரின்ப நிலைவி ழைந்திடா தேகினன் றனிதுணை நேடி.	37