முகப்பு பக்கம் எண் :
தொடக்கம்

401
  ஈது தன்னய னிசைத்தலு முலகனாண் டெழுந்து
கோதின் மெய்ப்படு காரண பக்திசெய் குநரே
தீதி னித்திய ஜீவவாழ் வுறுமென நம்பிக்
காத லித்திக வாழவெலாங் கசந்துகை விடுவார்.
46
   
  அலகி லாப்பொருள் யாவையு நரனுக்கென் றாக்கி
உலகை வாழ்விக்குந் தெய்வத்துக் கிவர்பக்தி யுவப்பின்
றிலகு நன்மதி படைத்திக வாழ்வையெள் ளாது
குலவு காரிய பத்தியே யுவப்பதாங் குணிக்கின்.
47
   
  வரைவி லலாதுபன் மலர்தொறு மருவிவெம் மதுவை
விரைவி னீட்டுதே னீயென விதிவிலக் கிகந்துந்
தரையி லேசம்பத் தாக்கலுங் காக்கலுந் தருமம்
அரவு போன்மதி யடைமினோ வெனுமருள் வேதம்.
48
   
  பண்டு மிக்கசம் பத்தபி ராம்படைத் ததுவும்
எண்டி சாமுகத் திசைபெற்ற சாலமோ னியைந்த
தெண்டி ரைப்பெருங் கடலன செல்வமு மெதனால்
உண்டு பட்டன காரிய பத்தியா லுணர்மின்.
49
   
  என்று துன்மதி தெருண்டுல கன்னெடுத் தியம்ப
நன்று சொற்றனை நாளுமற் றிதுவென்ற னாட்டம்
பொன்றுங் காலத்துப் பொருளலாற் றுணையெது புகல்வீர்
என்றுங் கைப்பொரு ளில்லவர்க் கெவருற விகத்தில்.
50
   
  ஆத லாற்பொரு ளீட்டுதன் மதிக்கழ கதனைக்
கோதென் றெள்ளுதல் வைதிகர் பயித்தியக் கொள்கை
தீதி லாப்பத்தி வேடமே பெரும்பொருள் சேர்க்குஞ்
சாத னங்களிற் சிறந்தமெய்ச் சாதன மாமால்.
51
   
  இத்த லத்துப தேசிக்குங் குருவுக்கு மிறைமை
உத்தி யோகிக்கும் வணிகற்கு முலப்பிலா துழைக்குங்
கைத்தொ ழிற்கரு மிகளுக்கு மிரவலர் களுக்கும்
பத்தி வேடத்தால் வரும்பலன் பகருமா றரிதே. 		52
   
  பாரில் யாவரு நம்புவ ரஞ்சுவர் பகையார்
ஊரி லேமரி யாதையுண் டுவப்பன கிடைக்குஞ்
சோர ரும்பொரு ளீகுவர் சொல்லெங்குஞ் செல்லும்
ஓரிற் பத்திவே டத்தருக் கொப்பெவ ருலகில்.
53

முன் பக்கம் மேல் அடுத்த பக்கம்