முகப்பு பக்கம் எண் :
தொடக்கம்

418
  இத்த கும்பொறை யெய்திய சற்குண
வித்த கத்துணை தந்தவி மலனைச்
சித்த முள்ளுற வேத்தித்தெ ளிவுறீஇ
உத்த மந்திகழ் வேதிய னோதுவான்.
82
   
  சீல மல்குதி ருத்தகு செவ்வியோய்
மேலி னிச்செயல் வேறிலை மீண்டியாம்
பாலை மேவிநம் பாதையைக் கூடுதல்
சால நன்றெனக் கூறினன் றாபதன்.
83
   
  நன்றி தென்றுநம் பிக்கைதெ ருண்டனன்
சென்ற பாதையிற் சிந்தைவைத் துத்திரும்
பென்றோர் வாக்குமெ ழுந்தது விண்ணிடை
ஒன்றி யுள்ளுர முற்றன ரொள்ளியோர். 		84
   
  மோச நேரினு முன்னெனக் காகவென்
றேசி லாரிய னேகவு நம்பிக்கை
ஆசி லுள்ளம லசினை யாரிருள்
மூசு கானின்முற் செல்குவன் யானென்றான்.
 85
   
  இன்ன வாகவி ருவரி னம்பிக்கை
முன்ன ரேகமு றையறி யாரியன்
பின்ன ரேகத்தி ருமிப்பி ரான்வழி
தன்னை யுள்ளித்த டவினர் கானெறி.
86
   
  கொடிய மாதிகி லும்பல்கு ழப்பமும்
அடிய ருள்ளத்த மளியும் போன்மெனத்
தடியும் பேரிடி யுந்தலைக் கூடுகார்
படியை மூடிப்ப ரந்ததவ் வொல்லையே.
87
   
  கருமு கிற்கண மீண்டிக்க கனமீ
துருமி டித்தொலி தாக்கலு முள்ளுடைந்
தரும றைக்கிழ வன்னிஃ தாழியான்
தரும கோபந்த லைவரல் காணென்றான்.
88
   
  படிதி கழ்த்திப்ப கல்பட மின்னிடுங்
கடிய காரிருள் போர்க்குங்க ணத்திடை
இடியி டித்துரும் வீழ்த்தலி னின்றொடு
முடியுங் கொல்லுல கென்னமு ழங்குமால்.
89
முன் பக்கம் மேல் அடுத்த பக்கம்