வெஞ்சீயமி ரண்டிடை யேகிய வீர முங்கண் டஞ்சாதழிம் பர்ப்பொரு தோட்டிய வாற்ற லும்பின் எஞ்சாமர ணத்திருட் சூழல்புக் கீண்டு மொய்ம்பும் விஞ்சாரண னைவில கித்தனி விட்ட மாதோ.	114
	அந்தோவளி திவ்வற நூனெறி யாக்க நீப்பின் நந்தாவொரு செல்வமு நன்மையு நண்ணு மேயோ முந்தாரிரு ளும்பல தீமையு மோச மும்பல் சிந்தாகுல முந்நடுத் தீர்வையுஞ் சேர்வ தல்லால்.	115
	நல்லாறிகக் கும்மதி மோசமோர் நச்ச ராவின் பொல்லாவிடத் திற்புகுந் துள்ளுறப் புத்தி மாழ்கி எல்லாநல மும்பறி போயதென் றேங்கி யேங்கிச் சொல்லாடலின் றிவறி தேகினன் சூழ்ச்சி மிக்கான்.	116
	பம்பிப்பர வும்படு நாசப்ப ரப்பி னின்றும் இம்பர்க்கரை யேற்றியீ டேற்றமி சைப்ப ரல்லால் உம்பர்க்கர சன்னொறுக் காரென வுள்ளி யுள்ளி நம்பிக்கைநம் பிநடந் தான்மறை நண்ப னோடே.	117
	இவ்வாறிரு வோரைந டாத்தியி கழ்ந்து பேசி வெவ்வாயரக் கன்வழும் பூன்முடை மிக்கு நாறித் தெவ்வாயிருள் துற்றுசி றைப்புறஞ் சேர்த்தவ் வொல்லை அவ்வாயில டைத்தர ணாக்கிய கன்று போனான்.	118
	போனானபுலைப் பேய்மனை யாட்டிபாற் போந்தென் னாவிக் கானாவமு தேயனை யாயுன தாணை யெல்லை வானாட்டர சன்றொழும் போரிரு மாந்த ரைக்கண் டூனாரவெண் ணிச்சிறை யுய்த்தன னுற்ற தென்றான்.	119
	நன்றிங்கிது நாயக நீநரர் பக்க னாளைச் சென்றங்கவர் நோகவ டித்திசி னந்து தாமே பொன்றும்வகை யாயதுர்ப் போதனை போதி யென்னாத் துன்றுங்கொலை பாதக வம்பிது ணிந்து சொன்னாள்.	120
	தங்காதலி சொற்றலை மேற்கொடி ராத்த ணந்து வெங்காலதண் டிற்கொடுங் கோலைவ டாத கண்டன் பொங்காலமென் னச்சின விச்சிறைச் சாலை போந்து அங்காரண ரையடித் தான்கைய லுக்கு மட்டும்.	121