:: TVU ::

424

	என்னோ டன்றித் தன்னுயி ரென்னா வெனைநட்ட இன்னா னுக்குங் கேடுவி ளைத்தே னிவன்விண்ட பொன்னே யன்ன நன்மதி தள்னிப் பொறியற்றேன் அன்னோ வின்னு நச்சுயி ரோம்பி யழிகின்றேன்.	130

	சும்மைவி ழுத்திச் சிலுவைதி கழ்த்தித் துரிசில்லாச் செம்முறை நல்கி யேகென வுய்த்த திரியேகர் மும்மைய ருட்கா ளாயிது காறு முடுகுற்ற திம்மையி ருட்டுத் தீச்சிறை யுட்பட் டிடவேயோ.	131

	இத்தரை மீதினி லென்னிகர் பாவிய ரெவருள்ளார் பித்துறு பேதைபெ யர்த்தடி வைத்த பெரும்பாவம் எத்தனை யோகொடி தெத்தனை யோபெரி திதுதேரில் நித்திய நாசம டுத்தது மேலினி நினைவென்னெ.	132

	நன்றிம றந்தே னல்லுணர் வற்றே னவையுற்றேன் இன்றுணை வற்கொண் டின்னல ளக்க ரிடையுய்த்தேன் கன்றிய ரக்கன் வல்லடி யுண்டு கரைகின்றேன் பொன்றலு மில்லே னென்செய வுள்ளேன் புலையேனே.	133

	ஆன்மசு கத்துக் காயிக வாழ்வை யறவீசி ஊன்மலி துன்பை யூடுரு விப்புக் குயர்சீயோன் வான்மலை முன்றில் வந்தும்வி ழுந்தேன் மதியற்றிக் கான்முழை யந்தோ நன்றிது நன்றென் கதிநாட்டம்.	134

	பூதல மெள்ளிச் சீயென வையும் புலையேனை மீதல முங்கொள் ளாதுவி டுக்கும் விசுவாச காதக னீச னென்றினி யென்னே கடையாய பாதல மொன்றே கொள்ளவி ருந்தேன் படுபாவி.	135

	பேணா தாவி யூனுடல் பேணிப் பிழைபட்டேன் வாணா ளல்கிற் றாரிருண் மூடி வதையுண்பேன் சேணா டெட்டிப் போகவி டுத்தேன் திமிரார்வங் காணா நின்றேன் புல்லுயிர் பொன்றுங் கடைகாணேன்.	136

	என்னம னங்கைத் தின்னன பன்னி யிடருற்றான் பொன்னக ரந்தோ போக்கின னென்னாப் பொருமுற்றான் தன்னிக ரில்லாத் தற்பர ராஜன் சமுகத்துத் துன்னவு நாணி மூர்ச்சைய டைந்தான் துரிசில்லான்.	137