:: TVU ::

427

	வஞ்ச மாயக்க டைப்புர ளிக்கும்வம் புக்கும் வெஞ்சி றைக்கும்வி லங்குக்கும் வெந்துய ருக்கும் துஞ்ச லுக்குந்து ளக்கமில் லாமனத் தூயோய் அஞ்சு கிற்றிகொ லாமிவ்வ ரக்கனுக் கைய.	154

	கருதி னெம்மட்டுக் குங்கடுங் கோலதி காரம் நிருத னுக்குச்செ ருந்திரு வுள்ளநி னைப்பின் பிருது விக்கணின் றாஞ்செறுத் தெத்தனை பேரோ பொருது மற்றிவன் கையகன் றுய்ந்தனர் பூர்வம்.	155

	எந்தை யென்னைம றந்திடர்ப் பட்டனெ னின்னே முந்தை போலரக் கன்னிவண் முன்னிடில் யானே புந்தி யோடெதி ரூன்றிப்பு றந்தந்து போகத் தொந்த யுத்தத்த டர்க்குவ னீமதி சோரேல்.	156

	மருளி னெய்தின மாலிம்ம றக்கொடுஞ் சூழல் இருளி னம்பல வீனத்தி யற்கையை யீசன் தெருளு றுத்தினர் நித்திய ஜீவசெல் வத்தை அருளி னாக்கம ருளுமெ னற்கைய மின்றால்.	157

	அந்த ணர்க்கரு ளிட்டிகை யாமற வோய்நின் சிந்தை மற்றிது சீரிதன் றாலுயிர் தீய வெந்த ழற்கிரை யாயினு மிப்படு வெட்கம் நந்த மைத்தொட ராவகை நாடுதி நல்லோய்.	158

	என்று கூறினன் வேதியற் கோர்விகற் பின்றி நன்று வான்கதிப் பற்றுவி டாதநம் பிக்கை மன்றல் வாசகங் கேட்டலு மாதவன் சிந்தை யொன்றி நின்றங்கு ரத்தது மென்மெல வூக்கி. 159

	திருந்து நம்பிக்கை செம்மொழித் தேனொடு சேர்ந்த மருந்தெ னாநன்கு ணர்ந்துதன் வண்செவி வாயா அருந்தி னான்மறை வாணன கத்தருள் பூப்ப வருந்து மாவித ளிர்த்தது மாண்டழை மல்கி.	160

	குளிர்ந றும்பொழி லூடுகு லாயபைந் தென்றல் வளிய கச்சிறை யூடும றிந்திட வல்லே தெளிவு தோன்றித்தி ருத்தகு வேதியன் சென்றான் அளிப டர்ந்தவ ருட்கிரு பாசனத் தண்டை.	161