வித்தக
ரிருவர் செல்லும் விழுத்தகு மரபை நாடி
அத்தலத் தறவோ ராய வண்டரோர் சிலர்வந் தீண்டி
வைத்தமா நிதிகண் டார்போல் வரன்முறை குழுமி மொய்த்தார்
உத்தம தொழும்ப ரன்றோ வுயிர்த்துணை யுலகுக் கம்மா.
|
40 |
| |
|
குழுமிய
வாய ருள்ளக் குறிப்பவர் வனச மன்ன
செழுமுக மலர்ச்சி காட்ட தெரிந்துகோ லூன்றி நின்று
விழுமிய குணத் தோனாய வேதியன் விரும்பி நோக்கி
உழுவலன் போடு மற்றீ துசாவுவான் விநய மாக.
|
41 |
| |
|
உன்னத
பதவி யோமற் றுலகமோ வும்பர் மேய
பொன்னில வுலகந் தானோ வதனொடு புவியைச் சேர்த்து
நன்னிலை நிறுப்பா னுய்த்த நரதேவ விஞ்சை நாடோ
பன்னரு நித்திய செல்வக் களஞ்சியப் பகுதி தானோ.
|
42 |
| |
|
யாதெனத்
தேறு கில்லே மெம்மனோர் கருத்துக் கெட்டா
மேதகு பொருளுஞ் செல்வப் பெருக்கமும் விமல ஞான
போதகந் தரும்பல் காட்சி பொதும்பரும் பிறவு மெல்லாம்
ஆதரிப் பவரார் யார தநுபவ மறிய கில்லேம்.
|
43 |
| |
|
மற்றிது
தான்கொல் முத்தி மாநகர் புகுத்து மார்க்கம்
கொற்றவ னகருக் கின்னும் குறிப்பிடு தூரமெம்மட்
டுற்றுமே லிடிற்றுன் பேயோ வுதவியோ நிகழவ தோர்பால்
இற்றைநா ளிரவு தங்கி யேகவீண் டமையுங் கொல்லோ.
|
44 |
| |
|
ஆயவித்
திறங்க ளெல்லா மறிவுறு மாறெம் பக்கல்
நேயம்வைத் துரைக்க வென்னா நிகழ்த்தலு மாண்டு தொக்க
தூயரி லொருவன் கிட்டித் தொல்லையே யகத்துள் ளன்பு
மேயநண் பினனோ வென்ன விதந்துரை யாடலுற்றான்.
|
45 |
| |
|
ஐயன்மீர்
காணு மிந்த வானந்த சைல மென்னுந்
தெய்விக கிரியுஞ் சேர்ந்த சிமயமுஞ் செழுந்தண் காவும்
மையறு பொருளுந் தொக்க வளமுமன் னுயிரு மெல்லாம்
வையக முய்யக் கொண்ட மாநுவே லுரிமை தேர்மின்.
|
46 |
| |
|
இத்தகு புண்ணி யக்ஷேத் தித்திரனுக் காக வெம்மான்
மெய்த்திரு மேனி சிந்துங் குருதியின் விலைப்பா லீட்டி
வைத்துமுப் பகையை வென்று வளம்படுத் தமலன் செங்கோல்
உய்த்திள வரசா யென்று முவந்துவீற் றிருக்கின் றாரால்.
|
47 |