:: TVU ::

444

	தூய வாயுதம் பெற்றிலன் றோட்பல மில்லன் நாய கன்றுணை யிழந்தன னாடுவ தினியென் பேயர் கையகப் பட்டனன் பேதுறீஇ யந்தோ ஆய சம்பவ மொன்றுள தையவென் றறைவான்.	3

	இத்த ரத்துநிட் கபடமென் றிசைபெறு நகரம் அத்த ரத்தருட் டனதனா மற்பவிஸ் வாசி வித்த கக்கலை யரதந நாணய மிளிர்பூண் பூத்தி ரத்தொடு முத்திமார்க் கத்திடைப் படர்ந்தான்.	4

	அந்தி பட்டிர வாகவங் கடுத்தவூ ரருகில் வந்தி ருந்திளைப் பாறின னாங்கது மரண சந்தி யென்றறிந் தானிலன் றுயின்றனன் சாமம் முந்தி னார்கள்வர் பாதகன் முதலிய மூவர்.	5

	வெய்ய பாதகர் வரவறிந் திருந்துயில் வீசிப் பொய்யில் கேள்வியான் பொருக்கென வெழுந்துபோய்ப் புலையர் கைய கன்றுய முடுகின னாயினுங் கடுகி நொய்து பற்றினர் புடைத்தனர் பொருட்பறி நுதலி.	6

	தீர்க்க மில்லனா யினும்பிடி விடுத்திலன் சினந்து மூர்க்கர் கைத்தடி யாற்றலை மோதலு மயங்கிப் பார்க்கண் வீழ்ந்தனன் கைப்பொருள் கவர்ந்தனர் பதறி ஊர்க்கு ளோடினர் வேற்றொலி கேட்டலு முடைந்தே.	7

	நாண யம்பறி போயது நல்லணி யெதையுங் காணு கிற்றிலர் கள்வரென் றறிந்துபின் றன்னைப் பேணி வைத்ததை யிழந்தமை நினைந்துபே துற்றுஞ் சேணு றுங்கதி வழிபிடித் தேகினன் றெருண்டு.	8

	நாண யங்கெடின் யாவர்க்கு முலகத்து நடப்புக் கோணு மன்றியோர் குணமுறா தென்னுமிக் குறிப்பைக் காணு கையதன் கைப்பொரு ளிழத்தலிற் கடுகி நாணு ழந்தைய மேற்றுண்டு நாள்பல கழித்தான்.	9

	அணிக லம்பல விருக்கவு மையமேற் றுண்ணத் துணிவ தென்னெனச் சொற்றியேன் மற்றவன் றொகுத்த மணிய ணிக்குல கங்கொலோ விலைவரம் பறியுங் குணிமற் றெங்ஙனங் கொடுப்பதவ் வணிபிறர் கொள்ள.	10