| |
தந்தை
யாகிய தற்பரற் கொருசுத னருளால்
மந்தி ராற்புத மாக்கன்னி மரிவயிற் றுதித்தோன்
இந்த மாநிலத் திரக்ஷணை புதுக்கிய வீசன்
பொந்தி யுப்பிலாத் துழையரும் பாடுகள் பொறுத்தோன்.
|
19
|
| |
|
|
| |
மாசி
லாவுயிர்ப் பலிசிலு வையிலுவந் தீந்தோன்
பூச மாதயுற் றுயிர்த்தெழுந் துன்னதம் புக்கோன்
ஈச னோர்வலப் பாகத்தி லினிதுவீற் றிருப்போன்
ஏசு வாங்கிறிஸ் திரக்ஷக னென்விசு வாசம்.
|
20 |
| |
|
|
| |
மூன்றொன்
றாகிய முழுமுதற் பொருளிலே முளைத்துத்
தோன்றி ஜீவரைத் தூய்மையாய்ப் பக்குவப் படுத்தும்
ஆன்ற பேரரு ளாவியி னநுக்கிர கத்தை
ஊன்றி யேகுவல் ஜீவனுக் கென்மனத் துண்மை.
|
21 |
| |
|
|
| |
தூய
வோர்பொதுத் திருச்சபை தூயரி னைக்கியம்
ஆய பாவமன் னிப்புமீட் டாக்கைபெற் றெழுதல்
ஏயு நித்திய ஜீவனென் றிவையுள வென்றே
மாய மின்றியென் மனக்கொளக் கிடந்தவிஸ் வாசம்.
|
22 |
| |
|
|
| |
என்று
ளங்குவிந் தெவனிவண் பகிர்முகத் திசைய
நன்ற றிக்கையிட் டிறுவரை நன்னெறி பிடித்தே
நின்றி டிற்பர கதியுகூஉ நித்திய ஜீவன்
ஒன்றி வாழ்குவ னுன்னதத் தூழியோ டூழி.
|
23 |
| |
|
|
| |
இத்த
கைப்படு மெய்ச்சுரு தித்தொட ரிதுவே
சுத்த சத்திய மெய்விசு வாசத்தின் றொகுதி
உத்த மந்திகழ் ஜீவனுக் குறுதுணை யுலவா
முத்தி வாயிலுட் புகுத்திடு முத்திரை லிகிதம்.
|
24 |
| |
|
|
| |
மரண
பாசத்தை மதுமண மாலிகை யாக்குந்
திரண மாக்கிடு மலகையை யுலகத்தைத் திரித்துட்
கரண சுத்தசற் கருமத்திற் கருத்தினைத் திருத்தும்
புரண புண்ணியற் கன்புசெய் புனிதவிஸ் வாசம்.
|
25 |
| |
|
|
| |
களங்க
மற்றவிச் சிரத்தைநீர்க் கயங்கட மதிபோல்
உளங்கொ ளீஇச்சில ருழையுரங் கொண்டுநின் றோங்கி
விளங்கு மோர்சில ருள்ளத்து மறைபடூஉ மெலிந்து
துளங்கி நிற்குமா லிறுவரை யுயர்கதி துருவி.
|
26 |