| |
நீச
நெஞ்சர்நிட் டூரிக ணேர்விசு
வாச காதகா வான்கதி மார்க்கரை
மோசம் போக்கிமு ழுக்குரு டாக்கிடும்
நாச காலர்ந ராந்தக ராமிவர்.
|
51 |
| |
|
|
| |
வேண்டு
மாயின்வி ளிப்பர்ப சாசினை
ஆண்ட டுத்தவ னுஞ்சம ராடுவன்
ஈண்டு வேறலெ வர்க்கும ரிதுகாண்
ஆண்ட கையரு ளப்பருக் கேயலால்.
|
52 |
| |
|
|
| |
இனைய
வஞ்சப்ப கைவர்வந் தீண்டிய
முனைமு கத்துமு றிந்துடைந் தோர்களெத்
தனைய ரென்றுரை யாடுவல் தக்கதன்
றனையர் தம்மைய வமதித் தெள்ளலே.
|
53 |
| |
|
|
| |
நேருங்
கள்ளநி சாசர ரைத்தெறுந்
தீர ரென்றுசெம் மாந்துசெ ருக்கிவீண்
வீரி யம்புகல் வீம்பரின் னோரன
போரி லென்றும்பு றக்கொடை யீவர்காண்.
|
54 |
| |
|
|
| |
வள்ள
லூர்புகு மார்க்கத்தி டைக்கிடை
கள்ளர் தொக்கணி கைப்பொரு ளாதய
கொள்ளை யாடுங்கு றியுடைத் தாதலிற்
றெள்ளி யோர்செய்தி றன்சொலக் கேட்டியால்.
|
55 |
| |
|
|
| |
வெற்றி
கொள்விசு வாசப்ப ரிசைகைப்
பற்றி யேனைப்ப டைக்கல முந்தரித்
தற்ற நோக்கிய ருட்டுணை யின்பலம்
முற்று நாடிமுற் செல்வரிம் மொய்ம்பொடே.
|
56 |
| |
|
|
| |
வாத
னைப்படு மாரணச் சூழலைக்
காத கப்பகை யைப்படு கள்வரைச்
சோத னைத்திர ளைக்கொடுந் துர்ஜந
சாத கக்குழு வைச்சம பூமியை.
|
57 |
| |
|
|
| |
பண்டி
ராஜப ரிஜந ராயமெய்த்
தொண்டர் வென்றுது ரந்துக டைப்பிடித்
தண்டர் கோனக ரத்தைய டைந்தனர்
விண்ட லத்துவி புதர்கொண் டாடவே.
|
58 |