| |
மாசறு
சுத்த வைதிகர் தாமு மதிவல்லோய்
நாசம்வி ளைக்குந் தேசம்வி டுத்திந் நடைகூடி
ஈசன கர்க்குப் போதுமி வற்றி னெதுஞான
தேசிக மார்க்க மென்றுள நாடித் திகைக்கின்றேம்.
|
6 |
| |
|
|
| |
என்றுதெ
ரிக்க விச்சக னென்னு மிருள்வண்ணன்
ஒன்றிய நண்பீ ருன்னத வானத் துயரோங்கன்
மன்றன கர்க்கே செல்லுவல் யானும் வழியீது
நன்றுடன் வம்மின் வம்மினெ னாமுன் னடைகொண்டார்.
|
7 |
| |
|
|
| |
பொன்னே
யன்ன புங்கவர் வேதப் பொறிகுன்றி
என்னோ தேரா தின்னுரை நச்சி யிகல்வெயயோன்
பின்னே சென்றா ரென்னிலி யாரே பிரபஞ்சத்
தொன்னா ரைத்தோந் தொல்லையொ ரூஉமெய் யுரவோரே.
|
8 |
| |
|
|
| |
அப்புலை
யன்பின் னாழ்படு கொப்ப மறியாமே
குப்புற நாடுங் கொல்சின வேழக் குலமேபோல்
செப்பரும் வேதச் செந்நெற விட்டு ஜெகசாலத்
தப்புவ ழிப்பட் டாரணர் சென்றார் சதிதேரார்.
|
9 |
| |
|
|
| |
போயினர்
முன்னே காவதம் வஞ்சப் பொறிமல்கிச்
சேயொளி குன்றிக் காரிருள் துற்றிச் சிறைதோறும்
பேயுழல் பாபத் தூறடா கானிற் பிரபஞ்ச
மாயவ லைக்குள் ளாகிவி ழுந்தார் மறையோரே.
|
10
|
| |
|
|
| |
அவ்வயின்
முன்செல் லிச்சக வஞ்சன் னறவோர்தாந்
தெவ்வலை யிற்சிக் குண்டுதி யங்குஞ் செயல்கண்டான்
எவ்வம றைக்கும் போர்வையை வீசி யிருள்வண்ண
வெவ்விய மேனி தோன்றிட நின்றான் வெருளுற்றார்.
|
11 |
| |
|
|
| |
அந்தோ
வந்தோ விச்சக நச்சி யசுணம்போல்
முந்தோ ராதே மோசவ லைக்குண் முழுகுற்ற
சந்தா பத்துக் கென்செய்து மென்னாத் தழலன்ன
வெந்தா பத்தாற் சிந்தையி னைந்தே மிகையோர்வார்.
|
12 |
| |
|
|
| |
நாயக
னூலி னன்னெறி காண்பா னனியாய்வுற்
றாயர ளித்த தூயப டங்கொண் டறிகில்லேம்
நேயமோ டுய்த்த நல்லுரை யுள்ளே நெறிதப்பி
மாயவ லைப்பட் டாருயிர் மாய்வே மதியில்லேம்.
|
13
|