உய்வ
ழித்திறந் தெருட்டியு முதவிசெய் தளித்துந்
தெய்வ பத்தியில் வளர்த்துநல் வழிவிடிற் சினந்தும்
மெய்வ ழித்துணை யாகியும் புரந்தனை மேலோய்
ஐவ கைப்பெருங் குரவனு நீயெனக் கத்த.
|
14 |
| |
|
கண்டு
யின்றிடாக் கலிங்கமிட் டருள்வழிக் காத்துக்
கொண்ட ணைந்தனை யின்னுநீ குறிக்கொண்டு கோமான்
விண்ட லம்புகு காறுமெற் காப்பதுன் வேலை
தொண்ட னேன்செய்கைம் மாறுனக் குண்டுகொல் துணியில்.
|
15 |
| |
|
ஈது
நிற்கயா னிந்நெறி பிடித்தகா ரணமென்
ஒது கென்றனை யித்திற முணர்ந்துரை யாடிப்
போது வேமெனிற் றுயிலெமைத் தணந்துபின் போகுஞ்
சாது மார்க்கத்துக் கடுத்ததாங் கேளெனச் சாற்றும்.
|
16 |
| |
|
சற்ப
னைக்கெலா முறையுண்மா யாபுரிச் சந்தை
விற்ப னைப்பொருள் யாவையு மாயமாம் விரும்பிக்
கற்ப னைப்பொரு ளீட்டியோர் யாவருங் கவிழ்ந்தார்
நிற்ப தன்றிந்த வாழவெனு நிண்ணயந் தெரிந்தேன்.
|
17 |
| |
|
நின்னிற்
றோன்றுசன் மார்க்கத்தி னீதிநிண் ணயமும்
பொன்னிற் றோன்றிய மெய்விசு வாசத்தின் பொலிவும்
என்னிற் றோன்றிய வுணர்ச்சியிற் பதிந்தன வெந்தாய்
முன்னிற் றோன்றிய வாடியிற் றோன்றிய முகம்போல்.
|
18 |
| |
|
குத்தி
ரக்குழு வீண்டிவெங் கொலைக்களப் படுத்திச்
சித்தி ரக்கொலை செயப்பட்ட தீர்க்கவிஸ் வாசி
பத்தி மெய்வயி ராகத்தைப் பவித்திரச் செயலை
வித்த கக்கலை ஞானத்தைக் கண்டுளம் வெருண்டேன்.
|
19 |
| |
|
உண்டெ
னப்படு மெய்விசு வாசத்தி னுரத்தைக்
கண்டு கேட்டுளங் கவன்றதும் வெருண்டதுங் காண்டி
அண்டர் நாயகன் றொழும்பனா யவித்தையைப் போக்கிப்
பண்டு நன்னெறி பற்றியான் படர்தற்கு மூலம்.
|
20 |
| |
|
பாவி
யென்றுளங் கவன்றனன் முடிவுன்னிப் பயங்கொண்
டாவி நைந்தன னாயினு மகத்துளங் குரித்து
வீவி லாதெழு முணர்வினை மென்மெலப் புதைப்பான்
ஆவ லுற்றிராப் பகலெலா முயன்றன னறவோய்.
|
21 |