:: TVU ::

459

	இனைய வாத்திரி கரணமொத் தியற்றுநல் வினைகள் எனிய வேனுந்தீ தொடுகலந் தலதிலை யென்னா நினைவு மூட்டிமேன் மேலுநெய் சொரிந்தென நிகழ்த்தி எனைவ தைத்தெரி மடுத்ததிங் கென்மனொ சாக்ஷி.	30

	உள்ளு ளேபுக லுளக்கரி யுரையெலா முண்மை வள்ள லாருமென் பிழையெலாம் வரைந்துவைத் தனருட் கள்ள மாயநற் கருமங்கள் கதிக்குரை யேறா எள்ள னைத்துநீ தியுமிலை யுய்குவ தெங்ஙன்.	31

	புதிய சீலமு மொழுக்கமும் புனிதமு மருவி விதிவி லக்கினி யனுட்டிப்ப னாயினும் மேலை முதிய பாவத்துக் கென்செயக் கடவன்யான் முத்திக் கதிப னாணையிற் றீச்சிறைப் படுத்துவ ரன்றோ.	32

	அன்றன் றைக்கட னன்றன்றைக் கிறுப்பினும் வறியோர் தொன்று பட்டவப் பெருங்கடன் றொலைக்கும்மா றெவன்கா சொன்று மீதியின் றாய்க்கட னொருங்கிறுப் பளவுந் துன்று வெஞ்சிறைப் படுத்தலே தொல்லுல கியற்கை.	33

	தீது றாதநற் கருமமில் லேன்சிறி தெனினும் நீதி யும்மிலன் பாவதன் டனைக்கெதிர் நேரே போது கின்றனன் புகலிடம் பிறிதெங்கு மில்லேன் ஏது செய்குவ னிரக்ஷணிக் கெனக்கவன் றிடுநாள்.	34

	வேறு.

	உத்தமந் திகழு மேனி யொண்மதி நிதானி யென்னும் வித்தகன் வரக்கண் டொல்லை விழுத்தகு மரவி னேற்றுச் சித்தசஞ் சலமெற் குற்ற திறனெலாந் தெரியச் செப்பி எத்திற மேனு நன்கொன் றியம்புகென் றிரந்து நின்றேன்.	35

	சேய்முக வாட்டங் கண்டு சிந்தனை கசிந்து போற்றுந் தாயரின் முகந்தை வந்து தணப்பில்பே ரன்புள் ளூறி வாய்மலர்ந் தொழுகல் போலு மைந்தநீ கலங்க லென்னாத் தூயர க்ஷணிய போதந் தொகுத்துரை யாட லுற்றான்.	36

	உன்னுளத் தெழுந்த பாவ வுணர்ச்சியு முள்ளச் சான்றும் முன்னுறீஇக் கடிந்த வாக்கு முழுமனஸ் தாப மாய இன்னலு நினையீ டேற்ற வெம்பிரான் குறிக்கொண் டுன்பால் பன்னருங் கிருபை யுய்த்த பரிசென மனத்துட் கோடி.	37