5. அரசியற்படலம்

	பன்னற்கரி தாயப வித்திர ஞான செல்வம் மன்னிப்பொலி யுந்திரு மாநகர் மன்னர் மன்னன் இன்னற்படு பாதல நின்றெடுத் தெம்மை மீட்பான் நன்னர்க்கும ரேசனை நல்குமெய்ஞ் ஞான மூர்த்தி.	1
	இல்லாமையி லேவெளி வான்முகட் டெண்ணி றந்த பல்லாயிர கோடிய வாம்பகி ரண்ட கோளம் எல்லாம்படைத் தொண்விதி காட்டியி யங்கு வித்த சொல்லாற்றன்மி கும்பர லோகது ரந்த ரேசன்.	2
	மங்காதப ரஞ்சுடர் வாக்குரு வாய மைந்தன் பொங்கோதவைப் பும்புரை யற்றகல் வானு மெங்கும் செங்கோல்பிடித் துத்தனி யாழிசெ லுத்த நாளும் தங்காவலை யுய்த்தர சாட்சிசெய் சார்வ பௌமன்.	3
	ஆனாதந லந்திகழ் தைவிக வாத்து மேசன் சேனாபதி யாகிய றப்பகை செற்று நெஞ்சில் மேனாடுமி ரக்ஷணை வித்திவி ளைப்ப நாளும் வானாடுபோற் றத்திறை கொள்ளும கேச வள்ளல்.	4
	அந்தக்கர ணங்களும் வாக்கு மகண்ட லோகத் தெந்தச்செய லுமபிச காதிய லாத போதே முந்துற்றறிந் துமுறை செய்யும்வர ரம்பில் ஞான விந்தைப்பெரு மான்விபு தாதிபன் வேந்தர் வேந்தன்.	5
	புனிதந்திரு மேனிமு கந்திகழ் புண்ணி யங்கண் தனிதந்தரு பேரரு ளம்புயஞ் சர்வ சக்தி நனிதுற்றுமெய்ஞ் ஞானமு யிர்ப்புநீ தாச னத்தில் இனிதுற்றுல காட்சிசெய் ராஜவி ராஜ னுக்கே.	6
	வல்லார்புக ழும்புகழ்ச் சிக்கும தீதன் வானத் தெல்லார்துதி தோத்திர வெல்லையி கந்து நின்ற நல்லான்கணிப் பில்கரு ணைக்கடல் தோற்ற நாசம் இல்லாதவ நாதிசு யம்புல கெங்கு முள்ளான்.	7
	பெருமைத்திட ரேறிய பிச்சுறு பேய்க்க ணத்தை நிருமித்தசி றைத்தலை யுய்த்தக னீணி லத்தில் இருமைக்குந லந்தரு மிரக்ஷணை யீட்டி வைத்த தருமத்துரை யாயத யோர்ச்சித சக்க ரேசன்.	8