| |
இனைய
சீலராய் நன்னெறி பிடித்திரு வோருந்
தினைய னைத்துநோ வின்றியுள் ளதிசயஞ் சிறப்பத்
துனைவி னேகுழி வரம்பறு காட்சியைத் தொகுத்துப்
புனையும் வேதியன் றோழற்குக் காட்டினன் புகல்வான்.
|
14 |
| |
|
|
| |
கூருற்
றோங்கிய மதிவலோய் கொற்றவன் மகிமைச்
சீருற் றோங்கிய திருநக ரணித்துறுஞ் செயலால்
ஏருற் றோங்குபைம் பொன்மய வெழிலுருப் படைத்திப்
பாருற் றோங்கிய சராசரப்பகுதிகள் பாராய்.
|
15 |
| |
|
|
| |
நிண்ண
யந்திக ழுத்தம நிருமல வரசன்
தண்ண ளிப்பெருக் கார்வதித் தருமசேத் திரமென்
றெண்ண ரும்பல வளநிறைந் தெங்கணுமலிந்து
கண்ணெ திர்ப்படு காட்சியே தெரிப்பன காணாய்.
|
16 |
| |
|
|
| |
என்னு
யிர்க்கருந் துணைவவித் தலத்தவ ரெல்லாம்
மன்னர் கோமகன் குருதிநீ ராடிய மரபாற்
செந்நி றத்தபொன் னுருவொளி திகழ்ந்தமே னியராய்ப்
பன்ன ரும்மொழில் படைத்துள புதுமையைப் பாராய்.
|
17 |
| |
|
|
| |
துனித
விர்த்தருந் துணைபுரி தோழவித் தேயப்
புனிதர் வாய்மலர் பொழிதரு புதுமொழித் தேன்போல்
நனிதி கழ்ந்தமுந் திரிகையி னறுங்கொழுங் குலைகள்
கனித ரும்புது நறைவிரி காட்சியைக் காணாய். |
18 |
| |
|
|
| |
உரவு
நீர்நிலத் தருட்டிர வியம்பெற்ற வுரவோய்
இரவு மின்றுறு துயிலுமின் றாதலி னெங்கும்
புரவ லன்றிரு வடிக்கன்பு பொருந்திய புனிதர்
பரவ சத்துயில் விளைக்கின்ற புதுமையைப் பாராய்.
|
19 |
| |
|
|
| |
உரம
ளைந்தமெய் யுத்தம விந்நிலத் துரவோர்
கரவி லாதகம் புறமெங்கு முண்மையே கவினப்
புரவ லன்சித்தம் போற்புரி பினிதமாச் செயலாற்
பரம ராஜ்ஜியம் வந்துற்ற பரிசினைப் பாராய்.
|
20 |
| |
|
|
| |
அற்பு
மல்கிய வாருயிர்த் தோழநம் மருமைத்
தற்ப ரன்சுதன் பிராட்டியோ டுலவுவான் சமைத்த
விற்ப ழுத்தபைம் பொன்மலர்ப் பரிமளம் வீசுங்
கற்ப கச்செழுங்காவனத் தெழினலங் காணாய்.
|
21
|