:: TVU ::

521

	அகம்புகும் பேறுபெற்ற வருமறை யவர்சீர் தேரில் ஜெகம்படு செல்வ மாதி சிற்றின்ப நுகர்ச்சிக் கெல்லாம் முகங்கொடா ராகித் தம்மான் மொழிவழி முறையிற்பற்றி இகம்படு தொல்லை நீத்திங் கீறில்பே ரின்பத் துற்றார்.	92

	எத்தனை துன்பந் துக்க மெத்தனை புண்ணீர் கண்ணீர் எத்தனை நிந்தை லஜ்ஜை யெத்தனை மோச நாசம் எத்தனை சிறைய பாய மெத்தனை பயங்க ரங்கள் அத்தனை யும்மின் றாக்கி வீடுய்த்த தருளி னாக்கம்.	93

	உய்த்ததிங் கொன்றோ மேன்மே லுவகைபே ரின்ப போகம் நித்திய ஜீவநன்மை நிறைபரி சுத்த நெஞ்சம் வித்தக விமல நேசம் மேதக்க தத்து வங்கள் இத்தனை நலமு நல்கிற் றிறையவ னருளி னாக்கம்.	94

	பொங்கிரும் ஜோதி பூத்த பொன்னகர்ப் பரப்பி லெங்கும் மங்கல மதுர கீத மலிந்தவா னகமு ழக்கம் எங்கணும் பொதுளத் தாக்கி யிரட்டின வெதிர்கொண் டேற்ற அங்கண்வா னகத்துச் சேனை யார்ப்பொலி கெழுமி ற்றன்றே.	95

	பொன்னக ரத்து வாணர் யாவரு மகிழ்ச்சி பூத்து மன்னில வுலகி னின்றிம் மாந்தரை வழிந டாத்தி உன்னத பரமா காயத் துச்சியிற் றிகழ்த்திக் காட்டுந் தன்னிக ராய வேந்தைத் தனித்தனி பரவி னாரால்.	96

	புக்கவ ரனந்த ரந்தம் புண்ணியப் பொருளைப் போற்றி மிக்குறு பரமா னந்த விம்மித ராகி யேத்திப் பக்குவப் படுநெஞ் சாரப் பல்லாண்டு கூறி வாழ்ந்தித் தொக்கவிண் ணவர்க்குஞ் செய்தா ரஞ்சலி முறையிற் றுயோர்.	97

	புரவுநூ னெறியிற் சென்று புண்ணிய கதியிற் புக்க உரவினா ருருவ மாறி யொளிதிகழ் மேனி வாய்ப்ப இரவியிற் சுடருந் தூய விலங்கெழின் முகத்த ராகிப் பரவிநின் றேத்தி யேத்திப் பண்ணவ ரோடு செல்வார்.	98

	அம்பர லோக ராஜ னருட்டிரு முன்பு நின்றிங் கும்பரோர் சிலர்வந் தூன்றி யுத்தம கிறிஸ்த வற்கும் நம்பிக்கை யென்னுநாம நலந்திகழ் மொய்ம்பி னாற்கும் பைம்பொனி னாடை சார்த்திப் பன்மணிக் கலன்கள் பூட்டி.	99