சிலேஷை, யமகம், திரிபு, மடக்கு முதலிய
                          சில கவிகளுக்கு அர்த்தம்.

மாயாபுரிப் படலம்

46.	அம் கம் ஆம் மதவாரணந் தொனிபடுமல்லால் - அழகிய கருமேகம் போன்ற, மதயானைகளின் பிளிற்றொலி செவிமடுப்பன வேயன்றி, அங்கம் மாமத ஆரணத் தொனிபடாது ஆக - மெய்மார்க்க சாஸ்தி ரங்களினுடையவும் வேத பாராயண த்தினுடையவுந் தொனிகள் யாண்டுங் கேட்கப்படுவன அல்ல, அப்படியே, எங்கும் இல் ஒழுக்கு இகந்தன என்பதை யல்லால் - எங்குமுள்ள வீடுகள் தாம் ஒழுக்கற்றிருப்பன வென்பதேயல்லாமல். எங்கும் இல்லொழுக்குஇகந்தன இலை யென்பதிலை - எவ்விடத்தும் இல்லற வொழுக்கமுறைமை யொழிந்தன வில்லையென்று சொல்லப்படுவதில்லை. எ - று. ஒழிந்தன வென்பதே துணிபு.
78.	ஆரணங்கு ஆட்டம் நாடி - பேய்மகனிரையொத்த விலைமாதர் நட் டம் பயில்வதையே கருதிப்பார்த்து. அகங்குழைந் திருப்பார் யாண்டும் - எப்பொழுது மனங்களித்திருப் பார். (அல்லாமல்,) ஆரணம் காட்ட நாடி - (தங்களுடைய மோசமான நிலைமையை) மெய்வேதமெடுத்து விளக்கிக்காட்ட அவற்றை யாராய்ந்து. அகங்குழைந் திருப்பாரில்லர் - மனந்திரும்பிக் கனிவுற்றிருப்பவர் அவ்விடத்து யாருமில்லர். யாண்டும் தார் அணி தந்து அஞ்ஞானச் சனியனைப் பணிவார் - எவ்விடத்தும் மலைகளைப்போட்டு அஞ்ஞானமுள்ள சனியனாகிய விக்கிரகத்தை வணங்குவாரேயன்றி. தாரணி தந்த ஞான தம்பிராற் பணிவாரில்லர் - உலகத்தையும் எல்லாப் பொருள்களையுஞ் சிருஷத்துத் தந்த சர்வ ஞானமுள்ள கடவுளை யாண்டும் வணங்குவோரில்லர். எ - று.