:: TVU ::

	பெருநிதியை யாதாயப் படுத்திவைமி னெனப்பணித்துப் பெயர்ந்துபோனான் வருமவதி தனில்வந்தான் காரியஸ்த ரிடங்கணக்கு வாங்குங்காலை. 100

	ஐயவிரு வேம்பொருளை யொன்றிரட்டி யாக்கினமென் றளித்துநிற்ப மெய்யரிவ ரெனக்கண்டு மேம்படுத்தி மற்றவனை விளித்தியாதென்னச் செய்யில்விதை யாதறுக்கத் தேடும்யஜ மாநனெனத் தெரிந்துதந்த நொய்யநிதி புதைத்துவைத்தேன் மற்றிதனைக் கொள்கவென் று நுவன்றானாக. 101

	தன்பொருளைப் புதைத்துநஷ்ட படுத்தியவிச் சழக்கனைக்கா றளைந்துநீவிர் துன்பமிகு மிருட்சிறையி லுய்க்கவென்றா னுழையரையச் சோம்பியீந்த மன்பொருளை யுள்ளவற்கு வழங்கினான் பொன்வணிகன் மரபீதாக என்பொருள்மற் றெனிலுள்ளோர்க் கீவரிலோர்க் குள்ளது மின் றென்றாரீசன். 102

	மெய்யறிவு மெய்ஞ்ஞான மிகுசெல்வஞ் சொல்வன்மை மேம்பாடாதி வையகத்தி லவரவர்க்கு வானரச னருளளிக்கும் வரமாமன்றோ உய்யுநெறி யுபயோகித் தூழியஞ்செய் திடல்கடமை யுபேக்ஷிப்பேரரைப் பொய்யிகந்து வருநடுநா ளிருட்பிழம்பு புகுவிக்கும் புந்திசெய்மின். 103

	வேறு நானிலங் காணி பூமி நன்குறு பயிராய் முற்றி மேனியு மதிக மாக விளைந்தன தொகுத்துத் தோன்றுந் தானியக் குவையைக் கண்டு தகவிலாப் புத்தி யீனன் கோனருள் குறியா னாகித் தன்னுளே குணிக்க லுற்றான். 104