:: TVU ::

	மைந்தநீ யென்னோ டுள்ளாய் வாழவெனக் குள்ள யாவுஞ் சொந்தமற் றுனக்கே யன்றோ சோதரன் மதியற் றேகி நொந்துவந் தணைந்தான் மீண்டு நுண்மதி யுடையை நீயுன் சிந்தனை திருகல் நன்றோ சேர்ந்துடன் களித்தி யென்றான்.	121

	வானநாட் டதிபன் றந்தை வான்வழி விடுத்தோர் புத்தி ஈனராங் குமர ராவ ரிருஞ்சுவி சேஷ மார்க்கர் ஆனவர் சேட்ட ராவவ ரகக்களிப் படையு நீரார் மோனராஜ் ஜியத்த ராவர் முறைதெரிந்துணர்ந்து கொண்மின்.	122

	ஒருபெருஞ் செல்வன் பீதாம் பரவுடை யுடுத்தி வாழுந் திருவினன் ராஜ போகஞ் சிறிதெனச் செருக்கும் போகி அருவிலை பெறுபல் பண்டத் தறுசுவை யமைந்த வுண்டி பெருவயி றாரத் துய்த்துப் பேணு£ன் மறுமை பேணான்.	123

	அங்கவ னணிகொள் மாடத் தலர்கடை துச்சி லாகத் தங்கிநா ணாளு மாங்கு தணந்தெறி மிச்சில் நச்சிச் சங்கட நுகரு மேழைத் தரித்திர னங்க முற்றும் வெங்கொடும் பருக்கண் மிக்கு வேதனை யுழக்கு நீரான்.	124

	இன்பெலாந் தூர மாகி விரங்கலுந் தவிப்பு நீங்காத் துன்பமுஞ் சொரிகண் ணீருந் தொடர்பறாத் துணைநட் பாக முன்புறு நாய்க ணக்கி முறைப்பணி புரிவோ ராக என்பக ருதுமவ் வேழை யிலாசரு விடுக்கட் பாட்டை.	125

	வறுமையும் பிணியும் யாண்டும் வருத்துபே ரஞரைப் போக்கும் பொறுமையுஞ் சகிப்புஞ் சிந்தை பூத்தினி தமைய வத்தைத் தெறுமருந் தாகக் கொண்டு ஜெகத்துநாட் கழித்த பிற்றை மறுமையி லிராஜ போக மலிந்தசந் நிதிபுக் குய்ந்தான்.	126

	பெருமித வாழ்க்கை யுள்ள பேதையச் செல்வன் பொன்றி எரிமலி கும்பி வாழ்க்கை யெய்தினன் கண்ணே றிட்டுத் திருமலி ராஜ போகந் தெவிட்டுலா சருவைக் கண்டான் பொருவிறன் மதியீ னத்தை நினைந்திவை புகல லுற்றான்.	127

	வேறு மெய்யா ரணமும் விசுவா சிகடம் பொய்யா வுரையும் பொருள்செய் திலனாற் பையா டரவப் பணிவெவ் விடமுண் டையோ வழலூ டமிழ்வே னளியேன்.	128