:: TVU ::

	திருநோக்காற் றிருவாக்காற் றிருக்கரத்தாற் றிருவருளாற் றீண்டிக் கிட்டி ஒருவரிய பிணிபிறவிக் குருடுசெவி டூமைமுட முதிரப் பாடு வெருவருபேய்க் கோரணிசித் தப்பிரமை திமிர்வாத வியாதி யாதி பருவரலுற் றோர்க்கருளி யிகபரநன் மையையளித்தார் பரமன் மைந்தன்.	160

	தொண்டரிடு முறைபாட்டி னறிதுயினின் றெழுந்தளோர் சுருதிச் சொல்லின் மண்டலஞ்சூழ் வாரிதியின் கொந்தளிப்புங் கடுஞ்சூறை மாரு தத்தின் உண்டுபடு நிலைப்பிறழ்வு மொருங்கமைய வொல்லையுல குவந்த தம்மா அண்டபகி ரண்டமெலா மமைத்ததிரு வாக்கினுக்கீ தரிதாங் கொல்லோ.	161

	மன்றலிலா வொருசிறுமி யமங்கலையி னொருசிறுவன் வாணான் முற்றிப் பொன்றியபின் னுடலீமம் புகுமுன்னர்த் தாய்தந்தை புரப்பான் வேண்டச் சென்றிரங்கிப் போனவுயிர் திரும்பியுய வருள்புரிந்த செயலை நோக்கி நின்றவருங் கேட்டவரும் வானாட்டு நெறிபிடித்து நிகழ்வ தானார்.	162

	மாண்டுபிரே தக்குழியி லொருநாலு வைகலுடன் மறிந்து மாவி ஈண்டொருவி மறுமையிற்புக் கினிதுறைந்து மிறைமகிமை யிகங்கண் டேத்தக் காண்டகைய சுவிசேஷ கதிமார்க்க நலங்கவினக் கருணை வாக்கின் மீண்டுயிர்பெற் றெழுந்துதிரு வடிதொழுதா னொருதொன்டன் வெளிப்பட் டைய.	163

	ஒக்கலெலா மற்றிவரே யுன்னதநாட் டிளவரச னொருங்கு பேயின் சிக்கறுத்துச் சிறைமீட்டு ஜீவகோ டியைப்புரப்பான் ஜெகத்து வந்த