:: TVU ::

	மறங்கு லாவிய மனத்தின ரின்னணம் வகுத்துப் புறங்கு ரைத்திட வூசலா டுளத்தொடும் போனான் இறங்கு சென்னிய னாகிமென் னெஞ்சனாண் டிப்பால் அறங்கு லாவிய வேதியற் குற்றதை யறைவாம்.	25

	மயல ளற்றில்வீழ்ந் துயல்பவன் மருவுதன் பலத்துக் கியலு மட்டுமக் கரைப்பட முயன்றுமெய் தரிதாய்ச் செயலொ ழிந்தியான் றிருமினுந் தேசநா சத்தில் அயலு ளாரொடு மவிவனே யென்றறி வழுந்தான்.	26

	சேற்று நீணிலங் கடந்துநன் னெறிக்கரை சேர ஆற்ற லின்றிநின் றாகுலித் தவசமுற் றருகே தோற்று மிச்சுடர் வாயிலைத் துன்னியா னுய்ய மாற்ற ருந்துணை வாய்க்குமோ வீண்டென மலைந்தான்.	27

	ஆய காலைநஞ் காருயி ரளிக்குஞ் சேய நன்மருந் தெதிர்ந்தெனத் தேம்பிநின் றழுசேய்க் காயெ திர்ந்தென வஞ்சலென் றாங்குவந் தடுத்தான் நேய மிக்கச ஹாயனென் றுரைபெறு நெடியோன்.	28

	கிட்டி வந்துநின் றெம்பிநீ கெடுநொதி யிதனுட் பட்டு யங்குவ தென்னைநம் பார்த்திவ னருளால் இட்ட கற்களி லூன்றிநின் றிக்கரை யேறா தட்ட திக்கையும் பார்ப்பதென் னவமதி யென்றான்.	29

	ஐய கேள்சுவி சேஷக னாருயிர்க் கரணாந் தெய்வ வாயில்புக் குய்தியென் றுரைத்தனன் றெருண்டு மெய்யொ ளிக்குறி பிடித்தியான் விரைந்துவந் தளற்றில் வெய்ய தீவினை முன்னின்று வெருட்டலில் வீழ்ந்தேன்.	30

	கண்ணி ருண்டுளங் கலங்கலாற் கதித்திடுஞ் சுமையால் அண்ணல் வாக்கினி லமைந்தவஞ் சிலைதெரி யாமல் எண்ண மிட்டுழல் கின்றன னிவணென விசைத்தான் நிண்ண யங்கடைப் பிடித்துநல் வழிப்பட்ட நிவர்த்தன்.	31

	சொற்ற தோர்ந்தருட் சஹாயனுந் துரிசறு முரைக்கல் இற்றி தீதெனக் காடயாண் டூன்றிநின் றென்கை பற்று கென்றுதன் கரங்கொடு பற்றியீர்த் துரங்கொள் நற்ற ரைக்கணே நிறுவிமற் றவற்கிவை நவில்வான்.	32.