"எல்லாம் உண்மை சுலைகாவே

     எழுந்து வாராய் விரைவாகச்

சொல்லாற் காலம் கடத்தாதே

     துன்ப வாழ்வே நடத்தாதே.

வல்லார் உன்னை வரித்தேக

     வந்தே யுள்ளார்; உன்துயரம்

எல்லாம் விலகும் கனவீந்த

     எழிலன் காட்டவா" என்றார்.

எத்தனை நாளாய் அவனுக்காய்

     ஏங்கி ஏங்கி அழுதேன்யான்

இத்தனை காலம் எங்கேதான்

     என்னை மறந்து இருந்தாராம்.

அத்தனை பாவம் புரிந்தேனோ

     அறியாச் சிறுவன் அவன்தானோ?

பித்தனை ஏதும் கேட்டீரோ!’;

     பிதற்ற லானாள் சுலைகாவே.