கிழவியின் போதனை :
கதறியே புலம்பு கின்ற சுலைகாவின் கரங்கள் பற்றிப் பதறியே கிழவி சொல்வாள் "பார்புகழ் மன்னர் தைமூஸ் புதல்வியே மனங்க வர்ந்து போய்விட் டஅவன் நினைவை உதறியே அமைதி யாக உறங்கியே துன்பம் வெல்வீர்!"
கதறியே புலம்பு கின்ற
சுலைகாவின் கரங்கள் பற்றிப்
பதறியே கிழவி சொல்வாள்
"பார்புகழ் மன்னர் தைமூஸ்
புதல்வியே மனங்க வர்ந்து
போய்விட் டஅவன் நினைவை
உதறியே அமைதி யாக
உறங்கியே துன்பம் வெல்வீர்!"
சுலைகாவின் பதில் :
கெஞ்சியே வேண்டு கின்ற கிழவியின் வார்த்தை கேட்டுத் "துஞ்சினேன் அந்நே ரத்தே தோன்றிய அவன்தான் என்னைப் பஞ்சணை நீக்கித் தன்னைப் பணிந்திடச் செய்து ‘என்றும் அஞ்சிடேல்’ என்று ரைத்தென் உறக்கமும் அழித்தான்’ என்றாள்.
கெஞ்சியே வேண்டு கின்ற
கிழவியின் வார்த்தை கேட்டுத்
"துஞ்சினேன் அந்நே ரத்தே
தோன்றிய அவன்தான் என்னைப்
பஞ்சணை நீக்கித் தன்னைப்
பணிந்திடச் செய்து ‘என்றும்
அஞ்சிடேல்’ என்று ரைத்தென்
உறக்கமும் அழித்தான்’ என்றாள்.
பரிசு அறிவித்தல் :
"உள்ளமும் உணர்ச்சி யும்என் உறக்கமும் கொள்ளை கொண்ட கள்வனைப் பிடித்து வந்தென் காலடி நிறுத்துகின்ற வல்லவர் எதைக்கேட்டாலும் வழங்குவே னென்றே எங்கும் சொல்லு வீ"ரெனச் சுலைகா சொல்கையில் தைமூஸ் வந்தார்.
"உள்ளமும் உணர்ச்சி யும்என்
உறக்கமும் கொள்ளை கொண்ட
கள்வனைப் பிடித்து வந்தென்
காலடி நிறுத்துகின்ற
வல்லவர் எதைக்கேட்டாலும்
வழங்குவே னென்றே எங்கும்
சொல்லு வீ"ரெனச் சுலைகா
சொல்கையில் தைமூஸ் வந்தார்.